महिलाहरुको सुरक्षित स्थानगमनका लागि सुचनामा पंहुच बढाउनु पर्नेमा जोड

पी सी एन् ,१४चैत्र । महिलाहरुको स्थानगमन सुरक्षित गर्नका लागि सुरक्षित बसाईसराई एंव वैदशिक रोजगार सम्बन्धि सुचनामा पंहुच बढाउनु पर्ने एक कार्यक्रममा स

हभागीहरुले बताएका छन् ।

शतिm समुहको आयोजनामा महिलाको सुरक्षित स्थानगमनका लागि संजाल सम्बन्धि कार्यक्रममा उनीहरुले सरकारी र गैर सरकारी संघसस्थाको समन्वयमा गांउ टोल, गाविस र जिल्ला स्तरमा पनि सुरक्षित स्थानगमनका लागि सुचना तथा परामर्श दिने  संयन्त्र जरुरी रहेको बताए ।

वैदेशिक रोजगारका क्रममा सहि सुचना र परामर्श विनाको स्थानगमनले  महिलाहरु वैदेशिक रोजगारीमा नाममा शोषण, ठगि र बेचबिखनमा परिरहेकोले उनीहरुलाई मानव बेचबिखन र तश्करीबाट जोगाउन सुचनामा नै पंहुच बढाउनु पर्छ ः सुरक्षित वैदेशिक रोजगारी सम्बन्धि सुचना अभियन्ता यम घिमिरेले भन्नुभयो ।

उंहाले वैदेशिक रोजगारीको प्रलोभन देखाई हाल आएर  काठमाण्डौ लगायत देशका विभिन्न शहर, चीनको ल्हासा, दुवइ ,युरोप,अमेरीका, खाडी मुलुक र भारतमा महिलाहरुको  तस्करी र बेचबिखन हुने गरेको बताउनु भयो । नेपालबाट वैदशिक रोजगारी गर्न स्थानगमन गरेका २८लाख नेपालीहरुमध्ये ४लाख २०हजार जति महिलाहरु छन्। 

रोजगारीका लागि स्थानगमन मानिसको नैसर्गिक  अधिकार भएपनि गैर कानुनी र सहि सुचना विनाको स्थानगमनले महिला तथा पुरुषहरुहरु बेचबिखन र तश्करीमा परेकाले उनीहरुको मानव अधिकार हनन भईरहेको दलित महिला संघकी अध्यक्ष हिमा सुनारले बताईन ।गरीवी र वेरोजगारी ,विश्वव्यापिकरण र वढ्दो उपभोक्तावादी संस्कृति , अशिक्षा र निरक्षरता ,लैङ्गिक हिंसा लगायतका सामाजिक असुरक्षाका कारण महिलाहरु विगतभन्दा बढि वैदेशिक रोजगारीमा बढि जान थालेको  उंहाको भनाई थियो ।

वैदेशिक रोजगारीका नाममा हुने गैर कानुनी र असुरक्षित स्थानगनमले महिलाहरु ठगि शोषण र बेचबिखिनमा परेपछि उनीहरुको स्थानगमन शुरु गर्न महिलाको सुरक्षित स्थानगमनका लागि संजाल गठन गरिएको र संजालले बर्दियामा पनि छिटटै आफनो कार्य शुरु गर्ने शतिm समुहका क्षेत्रीय संयोजक निर्मला थापाले बताईन ।

शुरूमा नेपाल र  भारतका ठूला शहरहरूमा रोजगारीका लागि जाने महिलाहरु हाल आएर भारतमा मात्र होइन दक्षिण एशियाका अन्य मुलुकहरू, दक्षिणपूर्व एशिया, मध्यपूर्व, अफ्रिका, युरोप, उत्तर अमेरिका र ल्याटिन अमेरिकामा समेत रोजगारीका लागि स्थानगमन गरेका छन् । स्थानगमन गर्ने मध्ये अधिकांश महिलाहरु गैर कानुनी र असुरक्षित किसिमले दलालको भरमा मात्र परि स्थानगमन गरेका छन् ।

कार्यक्रममा अन्तरपार्टी महिला संजालकी मिथीला फुंयाल महिला तथा बालबालिका कार्यालयका शिला शाह,कानुनी सहायत केन्द्रकी लक्ष्मी नेपाल,कमैया महिला जागरण समाजकी कृष्णा चौधरी,नागरिक समाज संजालका बालकृष्ण वली लगायतले आफनो धारणा राख्नुभएको थियो।