परिचय :

 समसामयिक तथा विकास सम्बन्धि कार्यलाई संचार माध्यमद्धारा प्रकाशन एंव प्रसारण गरि प्रेस क्लब अफ नेपालले विगत १३ बर्षदेखि विकास कार्यमा संलग्न सरकार,स्थानीय निकायहरु,संघसंस्था,अन्तर्राष्ट्रिय समुदायहरुलाई विकास गतिविधि संचालन गर्न अझ बढि उत्साह र प्रेरणा प्रदान गर्दै आईरेहको छ।  साथै यसले राष्ट्रियता,लोकतन्त्र,स्थानीय स्वायत शासन, प्रेस स्वतन्त्रता, सुचनाको हक ,सुशासन, मानव अधिकार,प्रकृति संरक्षण,पर्यटन प्रर्वद्धन , महिला हिंसा र मानव बेचबिखन नियन्त्रण ,बाल अधिकार ,जातीय उत्पीडिन उन्मुलन,वातावरण संरक्षण ,सुरक्षित वैदशिक रोजगार सम्बन्धि सुचना प्रर्वद्धन जस्ता कार्यक्रमहरु  आफै पनि संचालन गर्दै आईरहको छ ।

पत्रकारहरुलाई एक सुत्रमा आवद्ध गरि व्यवसायिक नेतृत्व प्रदान गर्दे आईरहेको क्लबले प्रशिक्षार्थी पत्रकार ,पत्रकार  र लेखकहरुका हक अधिकार र क्षमता विकास एंव सशतिmकरणका निम्ति तालिम, आर्थिक सहयोग र सम्मान समेत गर्दे आईरहेको छ।राष्ट्रका बिभिन्न व्यतिm संस्था,सम्बद्ध निकायहरुसंग समसामयिक गतिविधि तथा विषयवस्तुका बारेमा अन्तरकृया,छलफल,वादविवाद,गोष्ठी साक्षात्कार,सभा सम्मेलन आयोजना गर्नुका साथै संचारसंग  सम्बन्धित राष्ट्रिय अन्तराष्ट्रिय संघ संस्थाहरुसंग सम्बन्ध बिस्तार गरि राष्ट्रिय तथा अन्तर्राष्ट्रिय भाईचारा सम्बन्धको विकासमा क्लबले महत्वपुर्ण भुमिका खेल्दै आएको छ ।

सरकार,स्थानीय निकाय र संघसंस्थाको सहयोगमा क्लबले आगामी दिनमा  बहुउदेश्यीय मिडिया सुचना केन्द्र ,पुस्तकालय र छापा तथा विधुतीय पत्रपत्रिका एंव बुलटिन र सामुदायिक रेडियो संचालन गरि सामाजिक विकासमा सहयोग पुरयाउने लक्ष्य समेत लिएको छ ।समसामयिक एंव विकासमुलक कार्यलाई संचार माध्यममा प्रचारप्रसार गरि समाजसुधारका साथै सामाजिक विकासमा सहयोग गर्ने उदेश्ययले २०५८ साल पुष १०गतेका दिन स्थापित क्लब २०५८ साल फागुन १गते  जिल्ला प्रशासन कार्यालयमा विधिवत दर्ता भएको हो ।

    तपाईहरुसंग रहेका कार्यक्रम ,सुचना ,विज्ञापन ,समाचार हामीलाई उपलब्ध गराई नेपाल विकास अभियानमा हामीलाई अझ बढि प्रेरणा हौसला प्रदान गरिदिनु हुन हार्दिक अनुरोध पनि गर्दछौ ।
 भवदीय,
यमनाथ घिमिरे
अध्यक्ष
प्रेस क्लब अफ नेपाल  (पी सी एन्)
Email:pressclub.nepal@gmail.com
Blog site/websites:pressclubnepal.blogspot.com