बर्दियाको २१औ जिल्ला परिषद् उद्घाटन गर्न उपप्रधानमन्त्री श्रेष्ठ आज बर्दिया जादै

बर्दिया,१९फागुन । उपप्रधान तथा संघीय मामिला तथा स्थानीय विकास मन्त्री प्रकाशमानसिंह श्रेष्ठ बुधवार बर्दिया आउदै हुनुहुन्छ।जिल्ला विकास समितिको २१औ जिल्ला परिषद् उद्घाटन गर्न उपप्रधानमन्त्री श्रेष्ठ आज बुधवार बर्दिया आउने कार्यक्रम रहेको छ ।मन्त्री सिंहले बुधबार दिउंसो १बजे एक समारोहका बीच २१औ जिल्ला परिषद्को उद्घाटन गर्नु हुनेछ ।

स्थानीय विकास अधिकारी डिल्लीराम सिग्देलले परिषद्को सम्पुर्ण तैयारी पुरा भएको भन्दै परिषद्लाई भव्य र सभ्य रुपमा सफल पार्न सबैमा आग्रह गर्नुभएको छ । स्थानीय विकास अधिकारी सिग्देलले परिषद्मा आर्थिक बर्ष ०७२ ७३का लागि करिब ४ अर्ब बराबरको बार्षिक नीति कायक्रम तथा बजेट प्रस्तुत गर्नु हुने जि वि स स्रोतले जनायो । बुधबार प्रस्तुत हुने बजेटमा भौतिक पुर्वाधार तर्फ सबैभन्दा बढि र वन तथा वातावरण संरक्षणमा सबैभन्दा कम रहेको छ ।

सोमवार मात्रै जिल्ला विकास समिति बर्दियाको बैठकले एकीकृत विकास समितिबाट पेश हुन आएका कार्यक्रम तथा बजेट स्वीकृतिका लागि परिषद्मा पेश गर्ने निर्णय गरेको थियो ।

परिषद्मा सभासद्,राजनैतिक दल,बिषयगत कार्यालय,विकाससंग सम्बन्धित सरकारी गैर सरकारी कार्यालय ,नागरिक समाज,संचारमाध्यमका प्रमुख तथा प्रतिनिधिहरु ग्रि २सय भन्दा बढीको सहभागिता हुने अपेक्षा राखिएको छ ।