सवारी दुर्घटनामा परि बर्दियामा १को मृत्यु २घाईते

पी सी एन्,१६ वैशाख । बुधवार विहान ०९ः५० बनेको समयमा पूर्व पश्चिम राजमार्गको बानियाभार ७ स्थित सडक खण्डमा ना.२ ख.८४११ नं.को बस काठमाडौंबाट धनगढी तर्फ जाने क्रममा जिल्ला सुर्खेत कुनाथरी १ बस्ने बर्ष ४० की गोलमा सुनारलाई ठक्कर दिंदा उपचार गर्न लैजाने क्रममा बाटोमा नै उनको मृत्यु भएको छ । लास मेडिकल कोहलपुरमा पोष्टमाटम पश्चात आफन्तले बुझी लगेका र चालक जिल्ला प्रहरी कार्यालय बर्दियाको नियन्त्रणमा रहेका छन् । 

    बुधबार विहान ०७ः १० बजेको समयमा बर्दियाको बांसगढीबाट मैनापोखर जाने चोकमा पूर्व बाट पश्चिम तर्फ गईरहेको बा ८ च. ९८९८ नं.को कारले सोही दिशा तर्फ गईरहेको भे ५ प २२९० नं.को मोटर साईकललाई ठक्कर दिंदा मोटर साईकल चालक बा.न.पा.८ बस्ने बर्ष १७ का सुरज चौधरी सामान्य  घाईते भएका छन् । चौधरी स्थानिय मेडिकलमा उपचार पश्चात घर फर्केको प्रहरीले जनाएको छ ।

      यस्तै बुधबार दिंउसै १२ः ०० बजे भे ४ प ३८९९ नं.को मोटरसाईकलले मैनापोखर ६ बस्ने विशेश्वर प्रसाद थारुले सिमरा चोकबाट सोरहवा ९ बस्ने बर्ष २२ की राधीका थारुलाई लिफ्ट दिई मैनापोखर आउने क्रममा मोटरसाईकल अनियन्त्रित भई पल्टदा चालक सामान्य घाइृत भएका छन् ।मोटरसाईकल पछाडि सवार राधिकाको ढाडमा चोट लागेकोले उपचारको लागि नेपालगंज पठाईएको चालक तथा मोटरसाइृकल ईलाका प्रहरी कार्यालय मैनापोखरको नियन्त्रणमा रहेको प्रहरी नायब उपरीक्षक दिपक बस्नेतले बताउनु भयो ।