नव वर्ष २०७२ को हार्दिक मंगलमय शुभकामना

नव वर्ष २०७२ को पावन अवसरमा आम नेपाली दाजुभाई तथा दिदीबहिनीहरूको सुख, शान्ति, सु–स्वास्थ्य एवं समृद्धीका लागि हार्दिक मंगलमय शुभकामना व्यक्त गर्दछु । देशमा व्याप्त भ्रष्टाचार र अनियमितता अन्त्य गरी सामाजिक न्याय स्थापित गर्न भ्रष्टाचारमुक्त समाज निर्माण गर्ने कार्यमा अख्तियार दुरूपयोग अनुसन्धान आयोगले चालेका प्रत्येक कदमहरूमा यहाँहरूको उत्साहजनक सहभागिता र सहकार्यका लागि हादिर्द आभार व्यक्त गर्दछु । निसन्देह, सम्पुर्ण नेपाली दाजुभाई तथा दिदीबहिनीहरूको आशिर्वादपूर्ण सक्रिय सहभागिता र निरन्तर सहकार्यले भ्रष्टाचारमुक्त समाज निर्माण सम्भव रहेको कुरामा दुईमत छैन । भ्रष्टाचारमुक्त समाज निर्माण गरी हरेक नेपाली जनताको मुहारमा हांसो ल्याउन आगामी दिनहरूमा म पूर्ण हिम्मत, अठोट, र दृढ आत्मविश्वासका साथ कार्यगर्ने प्रतिबद्धता समेत व्यक्त गर्दछु ।

लोकमान सिंह कार्की

प्रमुख आयुक्त

तथा

अख्तियार दुरूपयोग अनुसन्धान आयोग परिवार