नगरपालीकाले दिने सेवा सुबिधाको बारेमा अन्तक्रिया कार्यक्रम सम्पन्न

पी सी एन् ,३०चैत्र । युवा संजाल डेउडाकलाको आयोजनामा सोमवार नव बर्षको शुभकामना आदानप्रदान तथा नगरपालीकाले दिने सेवा सुबिधाको बारेमा अन्तक्रिया कार्यक्रम सम्पन्न भएको छ । कार्यक्रममा बोल्दै प्रमुख अथिति तथा बाँसगढी नगरपालीकाका कार्यकारी अधिकृत गणेशबिक्रम शाहीले युवा सञ्जाललाई नगरपालीकाले गर्न सक्ने सक्दो सहयोग गर्ने भन्दै युवा सञ्जाललाई नगरपालीकामा बिस्तार गर्न आबश्यक छलफल गरी प्रक्रिया अगाढी बढाउने बताउनु भयो । त्यस्तै ईलाका प्रहरी कार्यालयका ईन्चार्ज चिन्तामणी बुढाथोकीले युवाहरुले यो क्षेत्रमा बिकासको लागी ठुलो भुमिका खेलेका र युवाहरु लागु पर्दाथ तथा दुव्र्यसनीलाई रोक्न गरेको प्रयासहरु प्रशंसनीय रहेकोले अझै यस्ता कार्यक्रममा अगाडी बढन युवाहरुलाई आग्रह गर्नुभयो ।

कार्यक्रममा ७१ साल भरी भएका प्रगती बिबरणहरु युवा सञ्जालका सचिव क्षितिज पौडेलले प्रस्तुत गर्नुभयो । युवा सञ्जालका उपाध्यक्ष कृष्णराज ढकालको सभापतित्वमा भएको कार्यक्रममा युवा अभियानका बर्दियाका फिल्ड कार्यक्रम संयोजक निराजन चौधरी, वडा नागरिक मञ्च संयोजक हेमन्त थारु, सामुदायिक मेलमिलाप केन्द्र डेउडाकलाका संयोजक गोपाल वली लगायको सहभागीता रहेको थियो ।