पशु सेवा कार्यालय बाकेद्वारा माछा पसलहरूको अनुगमन

महेन्द्र उपाध्याय

पी सी एन् ,९वैशाख।लामोसम्म माछालाई ताजा राख्न भारतबाट नेपालगञ्जमा भित्रयाईने माछामा  व्यापारीहरुले फर्मालिन नामको रसायनको प्रयोग ठूलो मात्रामा गर्ने गरेको गुनासो प्राप्त भएपछि पशु सेवा कार्यालयले  स्थानीय माछा पसलहरूको अनुगमन शुरु गरेको छ ।प्रमुख जिल्ला अधिकारी वेदप्रसाद लेखकको निर्देशन बमोजिम जिल्ला पशु सेवा कार्यालयले नेपालगंजमा रहेका माछा पसलहरुको अनुगमन शुरु गरेको हो ।व्यापारीहरुले बिक्रीका लागि ल्याएका कमन, भ्याकुर, रोहु, नैनी, ग्रास र प्रयास माछामा फर्मालिन विषादीको प्रयोग बढि गर्ने गरेको पाइएको छ । फर्मालिन रसायन सेवनले मानिसको मुटु र मिर्गौलामा नकारात्मक असर गर्छ । फर्मालिन झोलमा डुबाएको माछा लामो समयसम्म ताजा देखिने भएकाले ब्यापारीहरुले यसको प्रयोग गर्दछन् । अनुगमन टोलीले मरेका माछा फर्मालिनको झोलमा डुबाउनुको सट्टा बरफमा राख्न सुझाव दिएको छ।नेपालगंज र कोहलपुरमा भारतबाट २० देखि २५ हजार किलोसम्म माछा आयात हुने गरेको छ ।