खेतमा रहेको बम विस्फोटनबाट बर्दियामा ११ बर्षीय बालक घाईते

पी सी एन्,११ वैशाख । आज दिउसो  ३ः३० बजेको समयमा खेतमा रहेको बम विस्फोटनबाट बर्दियामा ११ बर्षीय बालक विकास थारु घाईते भएका छन् । घाईतेको हाल मेडिकल कलेज कोहलपुरको ईमर्जेन्सी वार्डमा उपचार भईरहेको छ।

बर्दियाको मगरागढी ७ हर्नवा बस्ने थारुले आफनो बाबुको खेतमा अरु साथीहरुसंगै खेल्ने क्रममा खेतमा रहेको ढुङ्गा निकाल्दा खेलौना जस्तो बस्तु देखि खेलाउने क्रममा पड्किन जाँदा निजको बाँया हात छियाछिया भएको प्रहरी नायब उपरीक्षक दिपककुमार बस्नेतले जानकारी दिनुभयो ।

घटना बारे जानकारी प्राप्त हुन साथ ईलाका प्रहरी कार्यालय जयनगरबाट प्रहरी नायब निरीक्षक सुरेश थापाको कमाण्डमा र ईलाका प्रहरी कार्यालय बानियाभारबाट प्रहरी निरीक्षकको कमाण्डमा तत्काल टोलि खटेर घाईते बालकको उद्धार गरि उपचारको लागि कोहलपुर पठाएको हो । घट्नास्थल ई.प्र.का.जयनगरबाट ७ किलोमिटर उत्तरमा पर्दछ ।