महिला फुटबल प्रतियोगतको तेस्रो दिनको खेलमा पदनाह र मयुर युवा क्लबको टिम विजयी

 सिद्धान्त थारु

पी सी एन्,९वैशाख।सोमबारबाट बर्दियामा जारि प्रथम जिल्ला स्तरीय महिला फूटबल प्रतियोगितामा बुधबार तेस्रो दिन पनि खेल जारि रहेको छ ।

जिल्ला फूटबल संघ र सामुदायिक पुस्तकालयको आयोजनामा बर्दियाको कालिकामा जारि महिला फुटबल प्रतियोगिाको बुधबार भएको पहिलो खेलमा पदनाहले बेलभारलाई २–० ले हराएको छ ।पदनाहका तर्फबाट मंजु चौधरीले दुबै गोल गरेकी हुन । चौधरीले खेल शुरु भएको २८ र ५६ मिनेटमा गोल गरेकी हुन् ।

बुधबारको दोस्रो खेलमा मयुर युवा क्लब कालिकाले युवा नेतृत्व समिति बांगढीलाई १ –० ले हराएका छन् ।मयुर युवा क्लबका तर्फबाट सपना चौधरीले खेल शुरु भएको १९मिनेटमा गोल गरेकी थिईन ।बिहीबारको खेल पदनाह र युवा नेतृत्व बीच हुनेछ ।बर्दिया जिल्लामा उत्कृष्ट महिला फुटबल टिम तैयार गर्ने उदेश्ययले आयोजना गरिएको प्रतियोगिताको निर्माण व्यवसायी संघ बर्दियाका अध्यक्ष अनिल के सी र जिल्ला फुटबल संघ बर्दियाका अध्यक्ष अजीतराज भण्डारीले एक समारोहको बीच उद्घाटन  गर्नुभएको थियो । जिल्ला भरका ६वटा महिला टिमहरुले भाग लिएको सो प्रतियोगिता वैशाख १२ गते सकिने आयोजकले जनाएका छन् ।