बर्दियामा पहिलोपटक स्वर्गीय रामप्रसाद पराजुली टी टवाईन्टी कप क्रिकेट प्रतियोगिता आयोजना हुने

पी सी एन,३ जेठ । समाजसेवी एंव बर्दिया जिल्ला क्रिकेट संघका पुर्व सदस्य स्वर्गीय रामप्रसाद  पराजुलीको स्मृतिमा बर्दियामा पहिलोपटक स्वर्गीय रामप्रसाद पराजुली टी टवाईन्टी कप क्रिकेट प्रतियोगिता आयोजना हुने भएको छ । जेठ ५ गते देखि १५ गते सम्म बर्दिया युथ ब्ल्याक बक क्लब गुलरियाले सो प्रतियोगितको आयोजना गर्न लागेको हो।

बर्दिया युथ ब्ल्याक वक क्लब गुलरियाका अध्यक्ष विमल के.सी.का अनुसार जिल्लामा छरिएर रहेका क्रिकेट खेलाडीहरुलाई एकिकृत गरेर नया खेलाडी उत्पादन गर्न प्रतियोगिता सफल पनि रहने  छ ।प्रतियोगितामा प्रथम हुुने टिमले नगद रु २५हजार र दोस्रो हुनेले १० हजार पुरस्कार राशी पाउने छन् ।म्यान अफ द टुर्नामेन्टले ५ हजार ,बेस्ट बलर र व्याट्सम्यान दुवैले २५–२५ सय र प्रत्येक म्याचको म्यान अफ द म्याच हुुनेले ५ सय रुपिया पुरस्कार पाउने  आयोजकले जनाएका छन् ।

जिल्ला खेलकुद विकास समिती बर्दियाको स्वामित्वमा रहेको गुलरिया कर्बड हल मैदानमा संचालन हुने प्रतियोगितामा आईतबारसम्म १२ टिम दर्ता भै सकेका छन् ।

 दर्ता शुल्क २५ सय तोकिएको प्रतियोगिताको अनुमानित खर्च १ लाख २० हजार रहेको र प्रतियोगितामा जिल्ला खेलकुल विकास समिति बर्दिया, जिल्ला क्रिकेट संघ बर्दिया र इन्डोफार्म ट्रेक्टर गुलरिया लगायतले सहयोग प्रदान गर्ने क्लब अध्यक्ष के. सी.ले बताउनु भयो । प्रतियोगिताबाट बचेको रकम भूकम्प पीडितहरुको सहयोर्गाथ प्रधानमन्त्री राहत कोषमा जम्मा गरिने आयोजक बर्दिया युथ ब्ल्याक बक क्लबले जनाएको छ ।