शहिद गोविन्द पाण्डेको ८औं वार्षिक पुण्यतिथीको अवसरमा दीप प्रजवलन कार्यक्रम सम्पन्न

पी सी एन

बर्दिया,१६असार ।गुलरिया नगरपालिकाका प्रथम निर्वाचित नगरप्रमुख एंव नागरिक समाजका संयोजक तथा साहित्कार शहिद गोविन्दप्रसाद पाण्डे को ८औं वार्षिक पुण्यतिथीको अवसरमा मंगलवार सांझ दीप प्रजवलन गरिएको छ ।

राधाकृष्ण चोक गुलरियामा आयोजना गरिएको सो कार्यक्रमा नागरिक समाज संजालका संयोजक बालकृष्ण वली,बारका अध्यक्ष नरेन्द्र शर्मा,गैसस महासंघका अध्यक्ष विष्णु तिमल्सिना,स्वर्गीय पाण्डेका छोरा कृष्णप्रसाद पाण्डे लगायतको उपस्थिति रहेको थियो ।

दीप प्रजवलन कार्यक्रममा उपस्थित बक्ताहरुले इमान्दार राजनीतिज्ञका रुपमा पहिचान बनाएका स्वर्गीय पाण्डेको राष्ट्रियता एंव सिमा रक्षा, गुलरिया बचाउँ,कृष्णसार संरक्षण , छानोमुनिको शिक्षा, बबई नदी च्यानलाइजेसन , पर्वतिया क्षेत्र संरक्षण तथा बृद्धाश्रम निर्माण जस्ता अभियानलाई सार्थककता दिएमा उंहाप्रति सच्चा श्रद्धान्जली हुने कुरामा वक्ताहरुले जोड दिएका थिए ।