लगातारको बर्षाका कारण बबई र कर्णाली नदीमा पानीको सतह खतराको सतह नजिक ,नदी छेउछाउका बासिन्दाहरुलाई सर्तक रहन प्रशासनको आग्रह

पी सी एन

बर्दिया,३२ असार । बुधबार बेलु्का देखिको लगातारको बर्षाका कारण  बबई र कर्णाली नदीमा पानीको सतह खतराको सतह नजिक रहेको भन्दै जिल्ला प्रशासन कार्यालय बर्दिया एवम जिल्ला दैवी प्रकोप उद्धार समितिले नदी छेउछाउका बासिन्दाहरुलाई सर्तक रहन अनुरोध गरेको छ ।

प्रमुख जिल्ला अधिकारी एवम जिल्ला दैवी प्रकोप उद्धार समिति बर्दियाका  अध्यक्ष बिनोदबहादुर कुँवरले स्थानीय संचार माध्यमलाई बिहीबार बिहान एक सन्देश सम्प्रेषित गरि बबईमा पानीको सतह ४दशमलव ६ र कर्णाली नदीमा पानीको सतह ६.८  मिटर पुगेको भन्दै नदी छेउका बासिन्दालाई सर्तकर्ता अपनाउन अनुरोध गरेको हो । बबईमा पानीको सतह ६ मीटर पुग्नु र कर्णालीमा १०मिटरलाई पुग्नुलाई खतरापुर्ण मानिन्छ ।

प्रमुख जिल्ला अधिकारी एंव जिल्ला दैवि प्रकोप उद्धार समितिका अध्यक्ष कुंवरले आकस्मिक स्थितिमा नजिकको प्रहरी इकाई वा संचार माध्यमहरुमा फोन गर्न आग्रह गर्नुभएको छ । प्रहरी वा संचारमाध्यमहरुमा चितm नबुझे  आकस्मिक स्थितिमा प्रमुख जिल्ला अधिकारीको मोबाईल नम्बर ९८५८०३७७७७,प्रहरी उपरीक्षक को मोबाईल नम्बर ९८५८०३५५५५,नेपाल रेडक्रसको मोबाईल नम्बर   ९८४८०३२७४९,९८५८०३२७४९ र आपतकालिन कार्य संचालन केन्द्र गुलरियाको मोबाईल नम्बर  ९८५७८९०६९९ मा पनि फोन गर्न सर्वसाधरणहरुलाई अनुरोध गर्नुभएको छ ।

यसैबीच लगातारका बर्षाले बर्दियामा धेरैजसो घरहरु जलमग्न रहेका छन् ।

रेडक्रस जिल्ला शाखा बर्दिया सदस्य अर्जुन सुबेदीका अनुसार दाङमा पानी परिरहेकोले बबई नदीमा पानीको सतह अझै बढन सक्ने भन्दै बर्दिया जिल्लावासीले सजकता अपनाउनु पर्ने अवस्था  रहेको बताउनु भएको छ । ।दांगबाट बर्दियामा पानी आउन करीब १८ घन्टा लाग्ने भयकाले सचेत रहौं उहाको भनाई छ । जलमापन केन्द्र चेपांगमा ४.६मीटर रहेको बबई नदी गुलरिया नेपालगंज सडकखण्डको भादापुलमा ८ मिटर पुगेको छ । ९ मिटर पुगेमा गुलरिया नगरपालिकाका केही गांउहरुमा नदी पस्ने खतरा रहन्छ ः सदस्य सुबेदीले भन्नुभयो ।