शिक्षक एंव कांग्रेस नेता पौडेलको उपचारको क्रममा निधन

क्षितिज पौडेल 

बर्दिया,२८असार। बसको ठक्करबाट सख्त घाईते भई अन्नपुर्ण न्यूरो अस्पताल माईतीघर काठमाण्डौमा उपचार गराईरहेका नेपाली कांग्रेस गांउ समिति मोतीपुरका सचिव एंव नेपाल शिक्षक संघका सदस्य जीवराज पौडेलको आईतबार सांझ उपचारको क्रममा निधन भएको छ। 

टाउकोमा गंभीर चोट लागेका पौडेललाई आईतबार बेलुका चिकित्सकहरुले मृत घोषणा गरेको नेपाली कांग्रेसका केन्द्रिय सदस्य महेन्द्र शर्माले जानकारी दिनुभयो। पुर्व पश्चिम राजमार्ग अन्तगर्त पर्ने बाँसगढी नगरपालीकाको मटेरिया चोकमा शनिबार बिहान धनगढीबाट नारायणघाट जादै गरेको भे ५ ख ७६३४ नम्बरको यात्रुबाहक बसले भे ३ प ६००८ नम्बरको मोटरसाईकलमा सवार पौडेललाई ठक्कर दिएको थियो । बसको ठक्करबाट गंभीर घाईते पौडेलको टाउकोमा गंभीर चोट लागेका थियो । पौडेलको शव  शिक्षण अस्पताल महाराजगंजमा पोष्टमार्टमा गरि आजै बर्दिया ल्याईने छ ।

यसैबीच  नेपाली कांग्रेसका केन्द्रिय सदस्य महेन्द्र शर्मा,नेपाल शिक्षक संघका उप महासचिव ज्ञानेन्द्र रावल,प्रेस क्लब अफ नेपालका अध्यक्ष यमनाथ घिमिरेले पौडेलको निधनले जिल्लाले एक होनहार शिक्षक र बर्दिया कांग्रेसले कर्मठ युवा कार्यकर्ता गुमाएकोमा गहिरो दुख व्यक्त गर्दे स्वर्गीय जीवराज पौडेल प्रति हार्दिक श्रद्धान्जलि एंव शोक सन्तप्त परिवारजन प्रति गहिरो समवेदना प्रकट गर्नुभएको छ। 

पौडेल संगै घाईते अर्का  शिक्षक रोशन के सीको भने उपचार जारि रहेको छ ।