शान्ति प्रर्वद्धनमा उत्कृष्ट काम गरेको भन्दै बर्दियामा ६ जना संयोजक र गाविस सचिवहरु सम्मानित

पी सी एन

बर्दिया,२३असार । शान्ति प्रर्वद्धनमा उत्कृष्ट काम गरेकोमा बर्दियाका २० गाविस मध्ये ६ गाविसका शान्ति समितिका संयोजक र गाविस सचिवहरुलाई बुधवार एक कार्यक्रमका बीच सम्मान गरिएको छ।

शान्ति प्रर्वद्धनमा उत्कृष्ट कार्य गरे बापत सम्मानित हुनेहरुमा महममदपुर गाविसका स्थानीय शान्ति समितिका संयोजक मन्साराम यादव र गाविस सचिव नारायण प्रसाद पराजुली,कालिका गाविसका संयोजक एंव गाविस सचिव प्रेमबहादुर के सी,पदनाह गाविसका संयोजक कृष्णप्रसाद पोखरेल र गाविस सचिव उसमान शाही,धधवार गाविसका संयोजक हरिप्रसाद गिरी र सचिव काशीराज गौतम,मनाउ गाविसका संयोजक बिन्तीराम थारु र सचिव चक्रपाणी आचार्य ,सुर्यपटुवा गाविसका संयोजक भोजबहादुर बि सि र गाविस सचिव नमराज पोखरेल हुनुहुन्छ।

स्थानीय शान्ति समितिले गुलरियामा आयोजना गरेको कार्यक्रममा प्रमुख जिल्ला अधिकारी बिनोद बहादुर कुंवर र स्थानीय शान्ति समिति बर्दियाका संयोजक धनेशकुमार यादवले कदर पत्र प्रदान गरि र दोसल्ला ओढाई एंव अबिर लगाई उंहाहरुलाई सम्मान गर्नुभएको हो ।

स्थानीय स्तरमा विद्यमान द्वन्द्वका प्रभावहरुलाई निर्मुल गर्दै शान्ति तथा पुर्न िनर्माणका प्रकृयालाई आपसी सद्भाव र एकताका आधारमा व्यवस्थित रुपमा समाधान गरि उत्कृष्ट कार्य गर्ने संयोजक र गाविस सचिवहरुलाई प्रमुख जिल्ला अधिकारी बिनोदबहादुर कुंवर,स्थानीय शान्ति समितिका संयोजक धनेशकुमार यादव,पुर्व संयोजकहरु शालिकराम अधिकारी र भुवनकुमार चौधरी,नेपाल पत्रकार महासंघका अध्यक्ष मिनराज शर्मा लगायतले प्रशंसा ब्यतm गर्नुभएको छ ।

बर्दिया जिल्लाका बासिन्दा विगतमा भएको द्वन्द्वका कारण अत्यन्तै प्रभावित बनेका थिए।  विगतमा भएको द्वन्द्वका कारण बर्दियामा ४सय ६८जना प्रभावित भएका थिए । प्रभावित मध्ये २सय १०जना बेपतmा भएका थिए भने  २सय ५८जना मारिएको सरकारी तथ्यांकमा उल्लेख छ ।