बाल बिवाह न्युनिकरणका लागी मोहम्दपुमा गाविस सचिवको संयोजकत्वमा गाविस स्तरीय समिति गठन

क्षितिज पौडेल

बर्दिया,२४असार। बाल बिवाह न्युनिकरणका लागी मोहम्दपुर गाविसमा  गाविस सचिव नारायणप्रसाद पराजुलीको संयोजकत्वमा बिहिबार गाविस स्तरीय समिति गठन गरिएको छ ।

जिल्ला बिकास समिति बर्दियाको आयोजना तथा सिविन बर्दिया र महम्दपुर गाविसको समन्वयमा सो समिति गठन भएको हो ।

जिल्ला बिकास समिति बर्दियाका योजना अनुगमन तथा मुल्याङकन अधिकृत सुन्दरप्रसाद श्रेष्ठको प्रमुख आतिथ्य तथा जिल्ला शासन बिज्ञ पार्बती भण्डारीको उपस्थितिमा सो समिति गठन गरिएको हो ।

 कार्यक्रममा राजनैतिक दलका प्रमुख तथा प्रतिनिधिहरु, वडा नागरिक मञ्चका संयोजक तथा सदस्यहरु ,संघ संस्थाका प्रमुख तथा  प्रतिनिधीहरु पनि  सहभागी  रहनु भएको थयो ।