बर्दियामा भदौ ७ गतेसम्म आम हडताल कायम गर्ने थरुहट∕ थारुवान संर्घष समितिको निर्णय

पी सी एन्

बर्दिया ४ भदौ । सरकारले आफुहरुको मांग पुरा गर्न कुनै चासो नदेखाएको भन्दै  ६ थरुहट∕ थारुवान संर्घष समितिले आमहडतालको अवधि बढाएर भदौ ७ गतेसम्म आम हडताल लगायतका संर्घषका कार्यक्रम जारि  राख्ने बताएको छ।

गुलरियामा शुक्रबार आयोजित पत्रकार सम्मेलनमा थरुहट∕ थारुवान संर्घष समितिका संयोजक गोविन्द थारु ,प्रवक्ता देवमान थारु र गुलरिया नगर ईन्चार्ज बिरु चौधरीले थाारु आदिवासी र उत्पीडित वर्गको चाहना र हित बिपरीत गरिएको ६प्रदेशको सीमांकन खारेजी गरि नंया सीमाकंन नहुदासम्म आम हडताल लगायतका आन्दोलनका कार्यक्रम जारि रहने बताउनु भयो ।

थरुहट∕थारुवान संयुक्त संर्घष समितिले अबको आम हडताल अझ बढि सशक्त हुने बताउदै आम हडतालको क्रममा सरकारी कार्यालय तालाबन्दी ,घेराउ  ,धर्ना दिने,नाराजुलुश गर्ने लगायतका गतिविधि पनि संचालन हुने बतायो ।

आफुहरुको मांगप्रति सरकार सम्वेदनशील नबनेकोले आम हडतालको कार्यक्रम सशक्त र प्रभावकारी बनाउनुको विकल्प नभएको उनीहरुको भनाई छ ।

साउन २६गतेबाट भएको आम हडतालका कारण बर्दियाको जनजीवन पुर्ण कष्टकर बन्दै गएको  छ । बजार ,शिक्षण संस्था,कलकारखाना पुर्ण रुपमा बन्द  रहदा सर्वसाधरणहरुको दैनिकीमा प्रत्यक्ष असर परेको छ । बन्दले गर्दा एम्बुलेन्स,प्रेस र मानव अधिकार कर्मी,सुरक्षा निकाय ,बिरामीका सवारी साधनबाहेक अन्य सवारी साधन संचालनमा आएका छैनन।