जेष्ठ नागरिकबारे सडक नाटक प्रर्दशन

पी सी एन

बर्दिया,२८मंसीर । हेल्प ऐज ईण्टरनेशनलको सहयोग तथा फाया नेपालको आयोजनामा बर्दियाका ६ स्थानमा सडक नाटक प्रर्दशन गरिएको छ । जिल्लाका ३हजार भन्दा बढि स्थानीय बृद्धबृद्धा,युवा तथा बालबालिका र महिलाहरुले नाटकको प्रत्यक्ष अवलोकन  गरेका छन्।

विपद उत्थानशीलतामा जेष्ठ नागरिककको सहभागिता तथा बिपद्मा जेष्ठ नागरिकको अवस्था र नागरिक समाज तथा राज्यको भुमिका  बिषयक सडक नाटक स्याउलीबजार, बांसगढी,लक्ष्मणा,धधवार,मैनापोखर ,भोलागौडि र गणेशपुरमा प्रर्दशन गरिएको फांया नेपालका कार्यक्रम संयोजक मानबहादुर डांगीले बताउनु भयो।

नाटकमा मयुर युवा क्लब कालिकाका कलाकारहरु सिद्धान्त थारु,बिनोद पौडेल,लक्ष्मी चौधरी,रिचा र्चाैधरी,रेशम पुनमगर र सविन खनाल लगायतका कलाकारहरुले प्रहसन गर्नु भएको थियो ।

जेष्ठ नागरिकको बर्तमान अवस्था झल्काउने सडक नाटकले जेष्ठ नागरिकको हक अधिकार स्थापना गर्न गराउन सबैलाई प्रेरणा मिलेको जेष्ठ नागरिक संघ बर्दियाका अध्यक्ष टुकराज घिमिरेले बताउनु भयो ।