बर्दिया निकुञ्जमा माघ ३देखि बाघ गणना

पी सी एन

बर्दिया २१पौष । बर्दिया राष्ट्रिय निकुञ्मा आउदो माघ ३गतेदेखि क्यामरा ट्रापिङ्ग प्रबिधिबाट बाघ अनुगमन शुरु गरिने भएको छ।

नेपाल सरकार,राष्ट्रिय निकुञ्ज तथा वन्यजन्तु संरक्षण बिभाग, डब्लु डब्लु एफ नेपाल र राष्ट्रिय प्रकृति संरक्षण कोषले संयुक्त रुपमा बर्दिया राष्ट्रिय निकुञ्ज, खाता जैविक मार्ग र आसपासका क्षेत्रमा क्यामरा ट्रापिङ्ग प्रबिधिबाटे बाघ अनुगमन कार्य सम्पन्न गर्ने निकुञ्जका प्रमुख संरक्षण अधिकृत रमेशकुमार थापाले जानकारी दिनुभयो ।

 बाघ अनुगमनका लागि आवश्यक पर्ने क्यामरा ,अन्य उपकरण र  फिल्ड सामाग्री राष्ट्रिय प्रकृति संरक्षण कोष बर्दिया संरक्षण कार्यक्रमबाट ब्यवस्थापन गरिने छ ।

बाघ अनुगमनको जिम्मा लिने र फिल्डमा खटिने कर्मचारी तथा प्राविधिकलाई पौष २५ र २६ गते ठाकुरद्वारामा  आधारभूत तालिम आयोजना गर्ने पी सी एनले जनाएको छ ।