अदुवाको निकासी रोकिँदा अदुवाको बजार मूल्य घटेर कृषकहरु मर्कामा ,निकासी तत्काल सुचारु गर्न व्यवसायीहरुको सरकारसंग मांग

पी सी एन

नेपालगंज,२८माघ । मध्यपश्चिमका पहाडी जिल्लाका कृषकको प्रमुख आम्दानीको स्रोतका रूपमा रहेका अदुवाको निकासी एक्कासी रोकिँदा अदुवाको बजार मूल्य घटेर कृषकहरु मर्कामा परेपछि निकासी तत्काल सुचारु गर्न सरकारसँग पनि जडिबुटी व्यवसायी र कृषकले माग गरेका छन् ।

भारतले नेपालगन्ज नाकावाट हुने निकासी रोकिदिएपछि २५ देखि ३० रुपैयाँ प्रतिकिलोमा बिक्री हुँदै आएको अदुवाको मूल्य करिब ५० प्रतिशतले घटेको व्यवसायीहरु बताउछन।

 निकासीका लागि भारतीय भन्सारमा पु¥याइएका अदुवा लोड गरिएका ट्रकहरूलाई पूर्वसूचना नदिएर नेपाल फर्काइदिएकोले समस्या भएको नेपाल जडिबुटी व्यवसायी संघका अध्यक्ष मोहम्मद याकुब अन्सारीले बताउनुभयो ।

मध्यपश्चिमका दाङ, प्युठान, रोल्पा, सल्यान र सुर्खेतलगायत जिल्ला अदुवाको पकेट क्षेत्र मानिन्छन् । नेपालगन्ज नाकाबाट बर्षेनीन करिब १० हजार टन अदुवा भारततर्फ निर्यात हुँदै आएको छ । गत वर्ष नेपालगन्ज भन्सारबाट ८ करोड ६३ लाख ६० हजार मूल्यको अदुवा भारत निकासी भएको थियो ।

यसैबीच नेपालगन्ज उद्योग वाणिज्य संघले रुपैडिया भन्सार कार्यालयले अदुवाको निकासीमा लगाएको अवरोध हटाएर निकासीलाई सहज बनाउने प्रयास सुरु गरेको संघका अध्यक्ष कृष्णप्रसाद श्रेष्ठले पी सी एनलाई जानकारी दिनुभयो ।