बर्दिया ४ मा किशोरको प्यानल बिजयी

पी सी एन

बर्दिया,२३माघ।नेपाली कांग्रेस बर्दिया क्षेत्र नं ४को क्षेत्रिय अधिवेशन शुक्रबार राजापुरमा सम्पन्न भएको छ। क्षेत्रिय अधिवेशनमा देउवा पक्षका केन्द्रिय सदस्य किशोरसिंह राठौरको प्यानल बिजयी भएको छ भने देउवा पक्षकै निवर्तमान जिल्ला सभापति अरुणप्रकाशसिंह राठौरको प्यानल पराजय भएको छ।

अधिवेशनले दिपक जंग शाहको अध्यक्षतामा नंया कार्यसमिति चयन गरेको छ।

मतदान अधिकृत चेतराज बजगाईका अनुसार क्षेत्रिय कार्यसमितिको सचिवमा छप्पुराम चौधरी,कोषाध्यक्षमा गौरीशंकर चौधरी र सदस्यहरुमा कृष्णकुमाररेग्मी,खुशीराम थारु,गणेशप्रसाद थारु गोपाल गिरी,चन्द्रबहादुर चौधरी पुनाराम थारु,बालकृष्ण थापा,बेचुलाल थारु तथा रामकृष्ण चौधर िनिर्वाचित हुनुभएको छ।

यस्तै जिल्ला सदस्यमा ने वि संघका पुर्व अध्यक्ष एंव प्रभावशाली युवा नेता कमलप्रसाद रेग्मी लगायत ६जना निर्वाचित हुनुभएको छ।

जिल्ला सदस्यमा निर्वाचित अन्य सदस्यहरुमा बिष्णुकुमारी थापा,घनश्याम बैश्य,प्रेमलाल थारु,बिजय पुन मगर र लालप्रसाद न्यौपाने रहनु भएको छ।

क्षेत्रिय अधिवेशनले किशोरसिंह राठौर,चन्द्रध्वज जि सि,जवानसिंह के सी,भद्रबहादुर शाही,मथराप्रसाद थारु,हेमलाल पाण्डे,तारा चौधरी,हेमकुमारी थारु,शशिराम बि क,नाचुराम थारु र कृष्णकुमार बर्मालाई महाधिवेशन प्रतिनिधिमा निर्वाचित गरेको छ।

नवनिर्वाचित पदाधिकारी र सदस्यहरुलाई शनिवार बिहान प्रमाण पत्र बितरण गरिदैछ ।