गुलरियाको मेयर उपमेयरमा कांग्रेसको अग्रता

बर्दिया ,१७ असार ।  शनिवार बिहान ७ बजेको परिणाम अनुसार गुलरिया नगरपालिकाको मेयर तथा उपमेयरमा कांग्रेसले अग्रता लिएको छ ।

 मेयरमा कंग्रेसका मुक्तीनाथ यादवले ५०९५ र उपमेयरमा कंग्रेसकै सुशीला गिरीले ५४५२ मत प्राप्त गरि अग्रता लिएको मुख्य निर्वाचन अधिकृत कुलप्रसाद शर्माले जानकारी दिनुभयो ।

एमालेका मेयरका उम्मेदवार हरि ज्ञवाली र उपमेयरकी उम्मेदवार टिका शमशेलीको मत ५०३७ रहेको छ भने माओवादी मेयरका उम्मेदवार  गेहेन्द्र ढकालले ४१५५ र उपमेयर मोहनकुमारी फुयालले ३५७८ मत प्राप्त गरेकी छिन् ।

गुलरियाको १,२ र ४ नम्बर वडामा ने क पा एमाले  बिजयी भएको छ भने ३,५,६ नम्बर वडा कांग्रेसले  र ७ नम्बर वडा राप्रपाले जितको छ । ११ र १२ नम्बर वडा माओावदी केन्द्रले जितेको छ । अहिले ८,९ र १० नम्बर वडाको मत गणना भईरहेको मुख्य निर्वाचन अधिकृत शर्माले जानकारी दिनुभयो।