पी सी एन
बर्दिया,२७असार । पर्यटन पत्रकार संघको राष्ट्रिय भेला बर्दियामा हुने भएको छ ।
पर्यटन पत्रकार संघको केन्द्रिय समितिको निर्णय अनुसार आउदो असोज ६ गते बर्दियाको गुलरिया या डल्ला होमस्टे मध्ये कुनै एक ठाउमा राष्ट्रिय भेला गरिने संघका जिल्ला अध्यक्ष दिपक शर्माले जानकारी दिए ।
पर्यटन पत्रकार संघ जिल्ला कार्य समिति बर्दियाको मंगलबार सदरमुकाममा गुलरियामा बसेको बैठकले असोज ६ गते बर्दियामा राष्ट्रिय भेला आयोजना गर्ने केन्द्रिय समितिको निर्णयको स्वागत गर्दै भेलाको तैयारीको लागि समिति पनि गठन गरेको छ ।
राष्ट्रिय भेला भव्य र सभ्य रुपमा सम्पन्न जिल्ला अध्यक्ष दिपक शर्माको संयोजकत्वमा भीम ठकुरी उपसंयोजक र प्रेम वि क,प्रेम थापा,हुमकुमार थारु,मुरली गोडिया लगायतहरु सदस्य रहेको तैयारी समिति पनि गठन गरेको छ ।
बर्दिया राष्ट्रिय निकुञ्ज,कृष्णसार,बढैयाताल ,गेरुवा तथा चिसापानी पुल,डल्ला होमस्टे लगायतका पर्यटकीय क्षेत्रहरुको ब्यापक प्रचारप्रसार गर्ने र बर्दियाका पर्यटकीय स्थलहरुको संरक्षण सम्वद्र्धन एंव विस्तारमा सरकारी र गैर सरकारी निकायहरुलाई थप ध्यानाकर्षण गराउने उदेश्शयले भेला आयोजना गर्न लागेको जिल्ला अध्यक्ष शर्माले बताए ।
Comments
Post a Comment