पी सी एन
बर्दिया,३ साउन । नेपाल सरकार संघीय मामिला तथा स्थानीय विकास मन्त्रालयको आयोजना तथा युनिसेफको सहयोगमा संघीय प्रणालीमा बहुक्षेत्रिय पोषण योजना कार्यान्वयन सम्बन्धि ठाकुरबाबा नगरस्तरिय एकदिने अभिमुखिकरण कार्यक्रम बर्दियाको भुरिगाँउमा सम्पन्न भएको छ ।
नगरपालिकामा नवनिर्वाचित पदाधिकारीहरुलाई बहुक्षेत्रिय पोषण योजनाका बारेमा सुसुचित गर्ने, नगरपालिकाको योजना तर्जुमा प्रकृयामा बहुक्षेत्रिय पोषण योजना मुलप्रबाहीकरणका लागि वातावरण तयार गर्ने र स्थानीय तहमा कुपोषणमुक्त अभियान सन्चालनका लागि कार्ययोजना तयार गर्ने उद्धेश्यले सो कार्यक्रम आयोजना गरिएको हो ।
कार्यक्रममा ठाकुरबाबा नगरपालिकाका प्रमुख घननारायण श्रेष्ठ,उपप्रमुख कृष्णकुश्मा थारु, बहुक्षेत्रिय पोषण याजनाका सम्पर्क ब्यतिm उपसचिब विनयराज सुबेदी, स्थानीय विकास अधिकारी तेजराज शर्मा , जिल्ला समन्वय समितिका वरिष्ठ सामाजिक विकास अधिकृत पार्वती पण्डित ,कार्यकारी अधिकृत पितृ भक्त गिरी लगायतल आ आफनो धारणा राख्नुभयो।
कार्यक्रममा १ देखि ९ वडाका वडा अध्यक्ष, वडा सचिव, शिक्षा स्वास्थ्य ,कृषि, पशु ,सुआहारा कार्यक्रमका प्रतिनिधिहरु समेतको सहभागिता थियो।
Comments
Post a Comment