बर्दियामा हतियार सहित दुई पक्राउ , एक फरार

पी सी एन 

बर्दिया,९साउन । सोमवार दिउसो १ ः ३० बजेको समयमा बर्दियाको बासगढी नगरपालिका वडा नम्बर ७ सदाहापुर नजिकै रहेको निलकण्ठ सामुदायिक बनबाट प्रहरीले २जनालाई हतियारसहित पक्राउ परेको छ । पक्राउ पर्नेमा सोही ठाउका  बर्ष ४२ का छव्बन खाँ र वर्ष ५५ का रतन यादव रहेको प्रहरी नायब उपरीक्षक युवराज खडकाले जानकारी दिए ।, उनीहरुबाट  लुकाईछिपाई राखेको दुई नाल कटुवा पेस्तोल, पाँच राउण्ड गोली एसएलआरमा लाग्ने दुई राउण्ड गोली र  स्पेशल रिभल्वर पेस्तोलमा लाग्ने गोली बरामद भएको छ ।बिशेष सुराकीको आधारमा  उनीहरुलाई पक्राउ गरि आवश्यक अनुसन्धान भईरहेको प्रहरीले जनाएको छ ।सोही  कार्यमा संलग्न बासगढी नगरपालिका वडा नम्बर ७ सदाहापुरका  वर्ष २२ को श्यामलाल चौधरी भने फरार रहेको प्रहरीले जनाएको छ ।