आज धान दिवस,बर्दियामा विविध कार्यक्रम गरि मनाईदै

पी सी एन
बर्दिया,२२ असार । जिल्ला स्तरीय कृषि एलायन्सको आयोजनमा बर्दियामा आज वढैयाताल गाउँ पालिका वडा नम्बर ७ मयुरबस्तीमा जिल्ला स्तरीय धान दिवस मनाउने कार्यक्रम रहेको कृषि विकास कार्यालय गुलरियाले जनाएको छ ।
प्रत्येक वर्ष असार १५ गते मनाईदै आईएको धान दिवस  किसान,कर्मचारी र प्राविधिकहरु असार १४को  स्थानीय तह निर्वाचनमा ब्यस्त भएका कारण भोली  आज असार २२ गते मनाउन लागिएको वरिष्ठ कृषि विकास अधिकृत  परशुराम रावतले पी सी एनलाई बताए ।
मयुर बस्तीमा आज बिहीबार बिहान ११ बजे  मनाईने धान दिवस कार्यक्रमको सम्पुर्ण तैयारी पुरा भएको र सो कार्यक्रममा सहभागिताका लागि राजनैतिक दल,स्थानीय निकायका जनप्रतिनिधि,संचारकर्मी , कृषक ,सर्वसाधरण सबैलाई जिल्ला स्तरीय कृषि एलायन्सले अनुरोध गरेको छ ।