पर्यटन पत्रकार संघ(एन्टोज)को महाधिवेशन आश्विन ४ र ५ गते पर्यटकीय नगरी ठाकुरद्वारामा आयोजना हुदै ,प्रधानमन्त्रीले महाधिवेशनको उद्घाटन गर्नुहुने

बिनिता भाट

बर्दिया,७ भदौ । पर्यटन पत्रकारितालाई नयाँ उचाईमा पुरयाउने विश्वासका साथ नेपाल पर्यटन पत्रकार संघ (एन्टोज)ले आश्विन ४ अर्थात सेप्टेम्बर २० मा विश्वकै प्रमुख पर्यटकीय स्थल ठाकुरद्वारामा ऐतिहासिक प्रथम राष्ट्रिय महाधिवेशन गर्ने भएको छ । 

दुई दिनसम्म चल्ने महाधिवेशनको प्रधानमन्त्री शेरबहादुर देउवाले उद्घाटन गर्ने कार्यक्रम रहेको आयोजकले जनाएको छ । 

महाधिवेशन सम्पन्न गर्न संघले राष्ट्रिय महाधिवेशन मुल आयोजक समिति समेत गठन गरि आवश्यक तैयारीहरु शुरु गरिएको नेपाल पर्यटन पत्रकार संघ(एन्टोज) का  केन्द्रिय अध्यक्ष धनीराम शर्माले बताउनु भयो । 

सन २०१४ मा स्थापना भएको संघ(एन्टोज)ले  तीन वर्षको अवधिमा मध्यपश्चिम, सुदुरपश्चिम र पश्चिमान्चलका जिल्लामाहरुमा शाखा बिस्तार गरिसकेको छ ।  पर्यटन क्षेत्रमा पत्रकारिता गर्नेहरुको साझा संगठनको रुपमा उभिएको छ संघको राष्टिय महाधिवेशनमा  चुनौति र संभावानाहरुको समेत विश्लेषण हुने आयोजकले जनाएको छ ।