भाद्र ६ गते गुलरियामा जिल्लास्तरीय तीज गीत प्रतियोगिता संचालन हुने

गोमा बिष्ट पी सी एन

बर्दिया,२३ साउन । रेडियो बबई १०६ मेगाहर्जले बर्दियाको गुलरियास्थित टाउन हलमा भाद्र ६ गते जिल्ला स्तरीय तीजगीत प्रतियोगिताको आयोजना गर्ने भएको छ ।

गुलरियामा आयोजित पत्रकार सम्मेलनमा रेडियो बबईका प्रबन्ध निर्देशक ईन्द्रकुमार श्रेष्ठले मौलिक कला तथा संस्कृतिको संरक्षण एंव सम्वद्र्धन गर्ने उदेश्ययले भाद्र ६गते गुलरियामा  जिल्लाव्यापी तीज गीत प्रतियोगिता आयोजना गर्न लागेको जानकारी दिदै प्रतियोगितालाई भब्य र सभ्य रुपमा सम्पन्न गर्न सहयोग पुरयाउन सबैमा आग्रह गर्नुभयो  ।

एकदिने सो प्रतियोगितामा प्रथम हुने समुहलाई नगद रु १५हजार ,दोस्रो हुनेलाई १०हजार , तृतीय  हुनेलाई ५ हजार र सान्त्वना हुनेलाई २हजार र प्रमाण प्रदान गरिने श्रेष्ठले बताउनु भयो ।

निर्माण व्यवसायी संघ बर्दियाका अध्यक्ष भेषराज पौडेल ,उद्योग बाणिज्य संधका अध्यक्ष अमरबहादुर खडका ,नेपाल पत्रकार महासंघका अध्यक्ष राजेन्द्रप्रसाद धिताल र होटल ब्यवसायी संघका अध्यक्ष तुलसीप्रसाद तिमल्सिनाले तीजगीत प्रतियोगितालाई सफल बनाउन आफुहरुको तर्फबाट सक्दो सहयोग हुने बताउनु भयो ।