बिनोद चन्द , रेडियो रामज्ञानु
बर्दिया,७ भदौ । गुड नेवर्स ईन्टरनेशनल नेपाल बर्दियाले मधुवन नगरपालीका वडा नं. १ का २ सय ९०बाढी प्रभावित घरधुरीलाई राहत सामाग्री बितरण गरेको छ ।
बितरण गरीएका राहात सामाग्रीमा प्रति घरधुरी चामल १५ किलो , दाल २ किलो , तेल १ लिटर, चिनी १ किलो र हाईजिन किट बक्स १थान रहेको छ ।
यस्तै गुड नेबर्सले सोही वडामा रहेको मंजुश्री बाटिका नि.मा. वि र वडा नं. २ को सरस्वती प्रा.वि. पत्थरबोझीमा कक्षा १ देखि ५ सम्मका बालबालीकाहरुलाई दिवा खाजाको लागि ५०÷५० किलोग्राम चना र १०÷१० लिटर तेल समेत बितरण गरको छ ।
वडा नम्बर १ का वडा अध्यक्ष पर्शुराम चौधरी , गुड नेवर्स इन्टरनेशनल नेपालका बर्दिया जिल्ला संयोजक नारायण चौधरी र मधुवन नगरपालीकाका प्रतिनीधी चित्र बहादुर भुसालको हातबाट सो राहात सामग्री बितरण गरिएको थियो ।
कार्यक्रममा ईलाका प्रहरी कार्यालय कोठियाघाटका प्रहरी सहायक निरीक्षक राम बहादुर राना , नेपाल रेडक्रस सोसाईटी उपशाखा ढोढरीका उपाध्यक्ष गोविन्द सिग्देल ,परियोजना व्यवस्थापन समितीका अध्यक्ष लोकराज परियार,सोनाह विकास समाजका परियोजना संयोजक पंकज देवकोटा, सोनाह विकास समाजका अध्यक्ष शान्ती सोनाह लगायतको उपस्थिती थियो ।
Comments
Post a Comment