कपिलवस्तुमा चोरी निकासी गर्न लागिएका २सय क्युफिट काठ बरामद गरियो

पी सी एन

कपिलवस्तु,२०साउन। बर्षाको मौका पारि सीमावर्ती जंगलबाट काठदाउरा चोरी निकासी बढने संभावना देखिएपछि जिल्ला वन कार्यालयले कपिलवस्तुमा नियमित गस्ती परिचालन गरेको छ। 

चोरी निकासी गर्न लागिएको अवस्थामा गस्ती टोलीले ६ दिनमा २सय क्युफीट भन्दा बढि काठ बरामद गरेको छ । बरामद गरिएका काठमा ४८ थान सिसौ जातको १९५.९६ क्युफिट र  एक थान साल जातकोे ४.३७ क्युफिट रहेको सहायक वन अधिकृत खिलबहादुर तामांगले जानकारी दिनुभयो । काठ सहित बरामद गरिएका साईकल, टायरगाडा र गोरु समेत जिल्ला वन कार्यालयले नियन्त्रणमा लिएको छ ।