रेडियो कृष्णसार एफएमको तीज ५ को उपाधि कोहलपुरको ग्रीनपीस माविलाई

पी सी एनबांके,७ भदौ । रेडियो कृष्णसार एफएम ९४ मेगाहर्जले बिगत पांच बर्षदेखि संचालन गर्दे आएको आउं नाचौ तीज सिजन ५ को उपाधि यस बर्ष ग्रीनपिस मावि कोहलपुरले हात पारेको छ ।
कोहलपुर अडिशनमा समेत प्रथम भएको ग्रीनपिस फाईलनमा अडिसनमा पनि प्रथम स्थानको हासिल उपाधि हासिल गरेको हो । बिद्यालयले ३५ हजार नगद र प्रमाण समेत पाएको छ । प्रतियोगितामा निर्जला समूह नेपालगञ्ज द्वितीय र बाल ज्योती मावि कोहलपुर तेस्रो भएका छन् । द्वितीय हुने समूहले नगद २० हजार र तृतीय हुनेले  १० हजार पाएको छ ।
त्यस्तै बर्दियाकी स्वर्णीमा गुरुङले सान्त्वना स्थान हासिल गरि  नगद रु ५ हजार पुरस्कार पाउनु भएको छ । सिने क्षेत्रका चर्चित नृत्य निर्देशक कुलमान नेपाली, चर्चित लोक नृत्यांगना सम्झना बुढाथोकी, बरिष्ठ कलाकार नरेन्द्र श्रेष्ठ र भरत महतो निर्णायक रहनु भएको सो प्रतियोगितामा नेपालगंज अडिशनबाट ९,कोहलपुरबाट ७ र बर्दियाबाट ५ प्रतिस्पर्धी गरि २१ जनाको सहभागिता थियो ।
कृष्णसार एफ एम ले भाद्र २ गते कोहलपुरमा ,४ गते नेपालगञ्जमा र ५ गते बर्दियामा अडिशन संचालन गरेको  र तिनै स्थानमा गरेर  ७५ जनाले प्रतिस्पर्धामा भाग लिएकोे ईभेन्ट संयोजक माधव अधिकारीले बताउनुभयो ।