प्रेस युनियनद्वारा गुलरिया उधोग बाणिज्य संघका नवनिर्वाचितहरुलाई सम्मान

पी सी एन

बर्दिया,९असोज । नेपाल प्रेस युनियन जिल्ला शाखा बर्दियाले गुलरिया उधोग बाणिज्य संघमा नव निर्वाचितहरुलाई सम्मान तथा बधाई कार्यक्रम सम्पन्न गरेको छ ।संघका जिल्ला अध्यक्ष बिनय राजभण्डारीको अध्यक्षतामा सम्पन्न कार्यक्रममा नेपाल पत्रकार महासंघ बर्दियाका अध्यक्ष राजेन्द्रप्रसाद धिताल,नेपाल प्रेस युनियनका पुर्व केन्द्रिय उपाध्यक्ष युवराज श्रेष्ठ,नेपाल पत्रकार महासंघका पुर्व केन्द्रिय उपाध्यक्ष कृष्णप्रसाद बस्याल,प्रेस क्लब अफ नेपालका केन्द्रिय अध्यक्ष एंव पत्रकार महासंघका प्रदेश सभासद यम घिमिरे र गुलरिया नगरविकास समितिका अध्यक्ष सुभाष पोखरेलले गुलरिया उधोग बाणिज्य संघका नव निर्वाचित अध्यक्ष बिरबहादर चौधरी लगायत सम्पुर्ण पदाधिकारी तथा सदस्यहरुलाई खादा तथा दोसल्ला लगाई सम्मान गरे ।कार्यक्रममा अधिकांश बक्ताहरुले समग्र बर्दियाको समृद्धिको लागि सदरमुकाम गुलरियालाई औधागिक ,ब्यापारिक,शैक्षिक तथा स्वास्थ्य सेवाको मुख्य केन्द्र बनाउन गुलरिया मुर्तीहा नाका संचालन गर्नुपर्ने,हुलाकी राजमार्ग यथाशीघ्र पक्की गरिनुपर्ने , भुरिगाउ तेलपानी सुर्खेत सडक निर्माण गर्नुपर्ने र बबई नदीको उचित व्यवस्थापन तथा तटबन्ध गरिनुपर्ने र त्यसका लागि सरकार ,निजी क्षेत्रका उधोगी व्यवसायी,राजनैतिक दल र मिडिया एक भएर अगाडि बढनु पर्ने बताए ।सो अवसरमा गुलरिया उधोग बाणिज्य संघका नवनिर्वाचित अध्यक्ष बिरबहादुर चौधरीले गुलरिया उधोग बाणिज्य संघले सामाजिक दायित्व अन्र्तगत समग्र गुलरियाको विकासका लागि केन्द्र,स्थानीय र प्रदेश सरकारसंग आवश्यक पहल गर्ने र त्यसका लागि स्थानीय राजनैतिक दल र मिडियाले पनि सहयोग गर्नुपर्ने बताए । उनले गुलरियामा औधौगिक तथा ब्यापारिक गतिविधि बढाउन गुलरिया मुर्तीहा नाका यथाशीघ्र संचालन  गर्ने र हुलाकी राजमार्ग पक्की गराउन सरोकारवालाहरुसंग आवश्यक पहल आफुहरुको पहिलो प्राथमिकता रहेको बताए ।सममान कार्यक्रमको संचालन नेपाल प्रेस युनियनका सचिव बिष्णु अधिकारीले गरेका थिए भने स्वागत मन्तव्य सदस्य दुर्गा आर्चायले गरेका थिए ।