११ बर्षदेखि फरार प्रतिवादी पक्राउ

पी सी एन्
बर्दिया,१ कार्तिक । हत्या गरि विगत ११ बर्षदेखि फरार रहेका २८ बर्षीय  सन्तोष चौधरी बर्दियाको राजापुर नगरपालिका वडा नं ७ रामपुरबाट बुधबार पक्राउ परेका छन् ।
२०६३ असोज २७ गते बर्दिया राजापुर नगरपालिका वडा नम्बर ७ का सुर्य नारायण चौधरीलाई हत्या गरी तत्काल फरार रहेको सन्तोषलाई बुधबार बिहान ४ बजेको समयमा प्रहरीले चौधरीलाई प्रकाउ गरेको जिल्ला प्रहरी कार्यालय बर्दियाका  प्रहरी प्रवक्ता युवराज खड्काले जानकारी दिए ।
बर्दिया जिल्ला अदालतको २०७२वैशाख २० गतेको आदेशले २० वर्ष कैद सजाय तोकेकोमा निजलाई पक्राउ गरी जिल्ला अदालत बर्दियामा बुझाईएको प्रहरीले जनाएको छ ।