बर्दियामा नेपाली कांग्रेसको जित सुनिश्चित रहेको निर्वाचन परिचालन समितिका संयोजक देवकोटाको भनाई

पी सी एन
बर्दिया,१०मंसीर । नेपाली कांग्रेसका महासमिति सदस्य एंव प्रदेश सभा निर्वाचन क्षेत्र नम्बर १को २का निर्वाचन परिचालन समितिका संयोजक बिजयदत देवकोटाले जनताको संवैधानिक मौलिक हक र अधिकारहरुको रक्षाका लागि नेपाली कांग्रेसका उम्मेदवारहरुलाई बिजयी गराउन सबैमा अनुरोध गरेका छन् ।
नेपाली कांगेस निर्वाचन प्रचारप्रसार एंव परिचालन समितले मगरागाडि र औरीमा आयोजना गरेको चुनावी कार्यक्रमलाई सम्बोधन गर्दे महासमिती सदस्य एंव चुनाव प्रचार समितिका संयोजक देवकोटाले नेपाली जनतालाई अधिकार सम्पन्न गराउन राणा,राजा,पञ्चायत लगायत जुनसुकै अराजकता  बिरुद्ध र सशक्त आन्दोलन गरेको नेपाली कांग्रेसलाई मंसीर २१को निर्वाचनमा नेपाली जनताले बहुमतले बिजयी गराउने विश्वास ब्यक्त गरे।
ने वि संघ बर्दियाका पुर्व जिल्ला अध्यक्ष समेत रहनुभएका नेता देवकोटाले बर्दिया जिल्लालाई विकसित र समृद्ध बनाउने अध्याय शुरु गरेका कंग्रेस बर्दियाका सभापति सञ्जयकुमार गौतम र गरिबी, बेरोजगारी हटाउन राणा एंव पञ्चायत बिरुद्ध लडेका जननेता राधकृष्ण थारुका छोरा मंगलप्रसाद थारुलाई नेपाली कांग्रेसले उम्मेदवारको रुपमा पेश गरेकाले आफुहरुको जित सुनिश्चित रहेको बताए।