पी सी एन
बर्दिया, ८पौष । शनिवार मध्यान्ह १२ बजेको समयमा बर्दियाको बढैयाताल गाउपालिका वडा नम्बर २ फुटाहा स्थित बोर्डर नाकामा प्रहरी चौकी जमुनीबाट खटिएको प्रहरी टोलि र सशस्त्र प्रहरी बल जमुनिबाट खटिएको संयुक्त टोलिले दुईजनालाई पक्राउ गरेको छ ।
नजिकैको बोर्डर पार गर्ने क्रममा निजहरुलाई सोधपुछ गर्दा संकास्पद देखिएकोले निज दुबैलाई पक्राउ गरी आवश्यक अनुसन्धान कार्य भईरहेको जिल्ला प्रहरी कार्यालय बर्दियाका प्रहरी प्रवक्ता प्रहरी नायब उपरीक्षक युबराज खडकाले बताए ।
पक्राउ पर्नेमा कोहलपुर नगरपालिका ९ भवानिपुर वस्ने बर्ष ३३ को नवराज हमाल र सुनसरी धरान उपमहानगरपालिका ५ वस्ने एक महिला रहेका छन् ।
हमालले महिलालाई बर्दियाको जमुनी फुटाहा बलैइ गाँउसम्म लैजाने जिम्मा लिएको बताए पनि ती महिला बेचबिखन वा अवैध रुपले भारतको बाटो हुदै खाडि मुलुकम पुरयाईन सक्ने आंशकमा प्रहरीले आवश्यक अनुसन्धानका लागि दुबैजनालाई नियन्त्रमा लिएको हो ।
Comments
Post a Comment