अजित राजभण्डारी पुनः बर्दिया फुटबलको अध्यक्षमा निर्वाचित

पी सी एन

बर्दिया,१५ पौष । बर्दियाका युवा खेलाडि ,फुटबल प्रशिक्षक एंव समाजसेवी अजीत राजभण्डारी दोस्रो कार्यकालका लागि जिल्ला फुटबल संघ बर्दियाको अध्यक्षमा निर्विरोध निर्वाचित भएका छन्। संघको शनिवार गुलरियामा सम्पन्न चौथौ अधिवेशनबाट भण्डारी अध्यक्षमा निर्वाचित भएका हुन । 

अधिवेशनले उपाध्यक्षमा रामबहादुररावल,छविलाल ओली रजनक चौधरी र सदस्यहरुमा महेन्द्र प्रकाश गिरी,चन्द्रबहादुर खत्री,ताराबहादुर थापा,मिना थापा,युवराज श्रेष्ठ,घनश्याम थारु,बिष्णु थापा,यादव आचार्य र बिन्दु चौधरीलाई निर्वाचित गरेको छ । 

जिल्ला फुटबल संघ बर्दियाका नव निर्वाचित अध्यक्ष अजित राजभण्डारीको अध्यक्षतामा शनिवार नै बसेको कार्यसमितिको पहिलो बैठकले जगत तामांगलाई महासचिवमा र पुरुषोतम  श्रेष्ठलाई  कोषाध्यक्षमा मनोनित पनि गरेको छ । 

अखिल नेपाल फुटबल संघका केन्द्रिय सदस्य प्रदेश सिंह राठौर ,मध्यपश्चिम संयोजक युवराज श्रेष्ठ,जिल्ला खेलकूद विकास समितिका सदस्य एंव भलिबल संघका अध्यक्ष श्याम आचार्य विशेष उपस्थितिमा सो अधिवेशन सम्पन्न भएको हो ।