मधुवन मेयर कप फुटबलको उपाधी वडा नं. ६ ले हात पार्यो

पी सी एन

बर्दिया,३फागुन । मधुवन नगरपालिकाले आयोजना गरेको प्रथम मेयरकप रङिङ्ग शिल्डमा फुटबल तर्फको उपाधी वडा नं. ६ ले जितेको छ । निकै रोमाञ्चक ट्राईब्रेकरमा वडा नंं. ६ ले वडा नं. ७ लाई ३ का विरुद्ध ४ गोल गर्दै मेयर कपको उपाधी हात पारेको हो ।

प्रथम मेयर कप रनिङ्ग शिल्डको फुटबलको प्रथम उपाधि जितेको वडा नं. ६ ले कप तथा नगद रु ७५ हजार र मेडल, द्धितिय बनेको वडा नं. ७ ले नगद रु ५० हजार पुरस्कार र मेडल हात पारेको छ । 

प्रतियोगिताका बिजयीहरुलाई मधुवन नगपालिकाका प्रमुख गणेश के सी , उपप्रमुख सुवरानी थारु,प्रमुख प्रशासकीय अधिकृत धर्मराज न्यौपाने,वडा नं ६का वडा अध्यक्ष भक्तबहादुर सुनारले पुरस्कार तथा प्रमाण पत्र बितरण गरे । 

खेलमा उत्कृष्ट गोल किपरको उपाधी वडा नं. ६ का गणेश घलेले हात पारे । त्यस्तै उत्कृष्ट डिफेन्डर वडा नंं ६ कै विवेक खड्का घोषित भए । खेल अवधी भरी धेरै गोल गर्ने व्रिजेश सिहंले गोल स्कोरको उपाधी जिते । उनले एक्लैले ४ गोल गरेका थिए । त्यस्तै वडा नं. ७ का सन्तोष के.सी.ले उत्कृष्ट खेलाडीको उपाधी जिते ।

समापन कार्यक्रम अघि सम्पन्न भएको महिला १ सय मिटरको दौडको उपाधी वडा नं. ४ कि कल्पना चौधरीले जितिन । उनले १४ मिनेटमा दुरी पार गरिन । त्यस्तै वडा नं. ६ कि निशा राजवंशि द्धितिय तथा शुशिला गुल्टैलि तृतिय भईन । यता पुरुष तर्फको १ सय मिटरको दौडमा वडा नं. ६ का विकास वि.क. प्रथम भए भने वडा नंं. २ का कृष्ण चौधरी द्धितिय तथा वडा नं. ४ का श्यामलाल कँडेल तृतिय भए । 

अर्काे बर्षको दोस्रो मेयर कप रनिङ्ग शिल्ड प्रतियोगितो सूर्यपटुवामा हुने भएको छ ।