माघ २४ गते देखि फाल्गुण ४ गतेसम्म गुलरियामा प्रथम मेयर कप क्रिकेट प्रतियोगिता संचालन हने

पी सी एन्
बर्दिया,२१ माघ ।  गुलरिया नगरपालिकाको सहयोग तथा जिल्ला क्रिकेट संघ बर्दियाको आयोजनामा माघ २४ गते देखि फाल्गुण ४ गतेसम्म गुलरियामा प्रथम मेयर कप क्रिकेट प्रतियोगिता संचालन हने भएको छ ।आईतवार गुलरिया नगरपालिकाको सभाकक्षमा आयोजित  पत्रकार सम्मेलनमा नेपाल क्रिकेट संघका जिल्ला अध्यक्ष बिनय राजभण्डारीले सो जानकारी गराए ।
बबई बहमुखी क्याम्पस गुलरियासंग जोडिएको कर्भडहल खेल मैदानमा हुने प्रतियोगितामा नगरपालिका भित्रका ८ वटा क्लवहरु खेलमा सहभागी हुने अध्यक्ष राजभण्डारीले बताए ।
लिग कम नकआटको आधारमा खेलाईने प्रतियोगितामा ८ वटा टिमलाई पुल ए र पुल वी गरी ४/४ टिममा बिभाजन गरि खेलाईने र प्रतियोगितामा १२वटा खेल ईभेन्टहरु संचालन हुने जनाईएको छ ।
प्रतियोगितामा प्रथम र द्वितीय हुने समूहलाई क्रमश २७ हजार ५सय र ११ हजार ५ सय पुरस्कार प्रदान गरिने पत्रकार सम्मेलनमा जानकारी गराईएको छ । प्रत्येक खेलमा म्यानअफ द म्याच घोषणा भएका खेलाडीलाई पुरस्कार स्वरुप ५ सय तथा म्यान अफ द सिरिज घोषणा हुने खेलाडीलाई नगद ५ हजारले पुरस्कृत अध्यक्ष राजभण्डारीले जानकारी गराएका छन् ।
नगरप्रमुख मुक्तिनाथ यादवले खेलको माध्यमबाट कुनै ठाउ र देशको पहिचान अभिबृद्धि हुने वताउदै आगामी परिषदबाट खेलकूदका लागि पर्याप्त वजेट छुट्याउने प्रतिवद्धता जनाए ।