पी सी एन
बर्दिया १२चैत्र । राजापुर नगरपालिकाका प्रमुख शिवप्रसाद चौधरीले नेपाल रेडक्रस सोसाईटी राजापुर उपशाखाले निर्माण गर्ने भवनको शिलन्यास गरेका छन् ।
क्रमागत योजना अन्र्तगत निर्माण गर्न लागिएको चारकोठे भवनको प्रमुख चौधरीले आइतवार एक समारोहका बीच शिलन्यास गरेका हुन ।
रेडक्रस भवन निर्माणका लागि यस बर्ष नगरपालिकाले ८ लाख सहयोग गरेको र क्रमागत योजनामा राखि भवननिर्माण कार्य पुरा गराउने नगरप्रमुख चौधरीले प्रतिबद्धता जनाएको नेरेसो राजापुर उपशाखाका सचिव सुर्यप्रसाद घिमिरेले बताए ।
बर्दियाको राजापुर नगरपालिका वडा नं. ८ धोबिनपुरस्थित कर्तनियाघाट रोडमा निर्माण गर्न लागिएको भवन शिलन्यास कार्यक्रममा उपभोक्ता समितिका अध्यक्ष रणबहादुर हमाल,रेडक्रस राजापुरका सभापति माया भट्टराई,रेडक्रसका जिल्ला सदस्य चक्र थापा,बर्दिया उद्योग बाणिज्य संघका अध्यक्ष कृष्णकुमार रेग्मी ,इलाका प्रहरी कार्यालय राजापुरका प्रतिनिधि हरिशरण भट्ट लगायतको उपस्थिति थियो ।
Comments
Post a Comment