पी सी एन
बर्दिया,१९ चैत्र । कार्यालयमा कर्मचारीहरु ढिलो उपस्थित हुने र छिट्टो जाने क्रम नरोकिएपछि बर्दियाको राजापुर नगरपालिकाले इलेक्ट्रोनिक्स हाजिर मेसिन संचालनमा ल्याउने भएको छ।
स्थानिय तहबाट सम्पादन गरिने कामलाई छिटो छरितो र गुनासो रहित तरिकाले सम्पन्न गर्न नगरपालिकाले इलेक्ट्रोनिक्स हाजिरी मेसिन सञ्चालन गर्न लागेको नगरप्रमुख शिव प्रसाद चौधरीले बताए ।
कार्यालयमा कर्मचारी ढिला उपस्थित हुने र पुरा कार्यालयमा समयसम्म नवस्ने प्रवृतिको अन्त्य गर्न इलेक्ट्रोनिक्स हाजिर मेसिनले सहयोग पुरयाउने उनको विश्वास छ ।
इलेक्ट्रोनिक्स हाजिर मेसिनमा कर्मचारीहरुले कार्यालयमा उपस्थित भएका बेला र कार्यालय समय सकेर वाहिर जादा गरि दुबै समयमा स्कानरमा औला राखेर हाजिरी जनाउनु पर्नेछ ।
Comments
Post a Comment