बर्दिया कांग्रेस स्वर्गीय नेता खडकाको १३औं दिनको पुण्यतिथी मनायो

पी सी एन
बर्दिया,२८चैत्र । पुर्वमन्त्री एंव नेपाली कांग्रेसका केन्द्रिय सदस्य स्वर्गीय खुमबहादुर खडकाको १३औं दिनको पुण्य तिथीमा नेपाली कांग्रेस जिल्ला कार्यसमिति बर्दियाले पार्टी कार्यालय गुलरियामा श्रद्धान्जली सभाको आयोजना गर्यो ।
श्रद्धान्जली सभालाई सम्बोधन गर्दै पुर्वमन्त्री तथा प्रतिनिधि सभा सदस्य एंव बर्दिया कांग्रेसका सभापति सञ्जयकुमार गौतमले इमानदारीपुर्वक नेपाली कांग्रेसको संगठलाई चुस्त,दुरुस्त र जीवन्त बनाई समग्र कांग्रेस निर्माण गर्न सकेमा स्वर्गीय नेता खुमबहादुर खडकाप्रति वास्तविक श्रद्धान्जली हुने प्रष्ट पारे ।
उनले तत्कालिन क्षेत्र नं १का कांग्रेसी साथीहरु एक ठाउमा उभिएका कारण प्रतिनिधि सभा निर्वाचनमा आफुले जित हासिल पारेको स्मरण गर्दे आफु वा कुनै नेता प्रति कार्यकर्ताहरुको केही गुनासो भए आफु र सम्बन्धित नेतालाई प्रत्यक्ष भेटेर भन्नुपर्ने बताउदै चोक ,चौराह र चियापसलमा बसेर पार्टी संगठनको विषयमा वा नेताको कार्यको बारेमा टिप्पणी गर्ने बानी हटाउन कार्यकर्तालाई सुझाव दिए ।
महासमिति सदस्य बिद्याप्रसाद खनाल र सोदे बिष्टले स्वर्गीय नेता खुमबहादुर खडकाको चाहना बिपरीत नेपाली कांग्रेसले धर्मनिरपेक्षताका सिद्धान्तलाई अंगीकार गर्दा कंग्रेस कमजोर बनेको स्मरण गर्दै नेताहरु बिभाजीत भएर तछाडमछाड गर्नाले र पार्टीभित्र मूल्यांकन पद्धति लागु नर्गनाले स्थानीय र संसदीय निर्वाचनमा पार्टीले हार ब्योहोर्नु परेकोे धारणा राखे ।
नेपाली कांग्रेस बर्दियाका सभापति मिश्रीलाल यादवले थारु,पहाडि ,मधेशी ,मुस्लिम सबैलाई एउटै नजरले हेर्ने गरेका स्वर्गीय खडकाले कांग्रेसलाई समावेी बनाउन ठुलो भुमिका खेलेको बताए । 

कंग्रेसका जिल्ला सचिव जीवन मल्लले संचालन गर्नुभएको सो कार्यक्रममा जिल्लास्थित बिभिन्न नेताले स्वर्गीय खडकाप्रति आफनो धारणा राखेका थिए।