बर्दिया, १२ जेठ । जिल्ला प्रहरी कार्यालय बर्दियामा कार्यरत प्रहरी हवल्दार राजु सिंह ठकुरीकी श्रीमती २९बर्षीया कल्पना सिंह ठकुरी मृत अवस्थामा फेला परेकी छिन् ।
जिल्ला प्रहरी कार्यालयको कम्पाउण्ड भित्र प्रहरी चमेना गृह सन्चालन गर्दै आई रहेकोमा शुक्रबार बिहान अन्दाजी १ : ३० बजेको समयमा सोही चमेना गृह भित्र झुण्डी मृतक अवस्थामा उनी फेला परेकीे थिईन ।
मृतकको लास शव परिक्षणको लागी जिल्ला अस्पताल बर्दियामा लगी कार्यालयबाट अनुसन्धान कार्य भई रहेको प्रहरीले जनाएको छ ।
यस्तै शुक्रवार बिहान अन्दाजी ११ बजेको समयमा बर्दियाको गुलरिया नगरपालिका वडा नं. ८ स्थित सहमती सामुदायीक वनमा जिल्ला बर्दिया गुलरिया नगरपालिका वडा नम्बर ६ बस्ने बर्ष ५० का गेहेन्द्र उपाध्याय मृतक अवस्थामा फेला पारीएको प्रहरीले जनाएको छ ।
मृतक लाशको कानुन बमोजिम गरी पोष्ट मार्टम पश्चात मृतकको आफन्तको जिम्मा लगाईएकोमा मृतक उपाध्यायको स्थानीय भादाघाटमा दाहासंस्कार पनि सम्पन्न गरिएको छ । यसबारे प्रहरी कार्यालयबाट आवश्यक अनुसन्धान कार्य भई रहेको जिल्ला प्रहरी कार्यालय बर्दियाका प्रमुख प्रहरी उपरीक्षक जनक भट्टराईले बताए ।
Comments
Post a Comment