बर्दिया प्रहरीलाई सफलता, विद्यालयको कम्युटर चार्नेहरु पक्राउ

पी सी एन/ लुम्बिनी पत्रगुलरिया, साउन ९ । बर्दियाको गुलरिया नगरपालिका वडा न.४ स्थित भानोदय आधारभुत बिद्यालय बेचैनपुर गत साउन २गते रातिको समयमा कम्युटर चोरी गरि फरार रहेकाहरु पक्राउ परेका छन् । जिल्ला प्रहरी कार्यालयबाट खटिएको प्रहरी २जनालाई पक्राउ गरि अदालतबाट म्याद थपि आवश्यक अनुसन्धान भइरहेको प्रहरीले जनाएको छ । पक्राउ पर्नेमा भारत उत्तर प्रदेश जिल्ला बहराईच थाना मोतिपुर तहसिल नानपारा पोष्ट अफिस मुर्तिया सलारपुर ग्राम बस्ने बर्ष २५ को सनि गौतम र सोही ठाउबस्ने २१ बर्षीय त्रिभुवन गौतम रहेको प्रहरी नायब उपरीक्षक युवराज खडकाले बताए । पक्राउ परेको सनिबाट कम्प्यूटर एक थान र त्रिभुवनबाट ५थान कम्प्यूटरको मनिटर ,२थान सि पी यु र १थान प्रिण्टर फोटोकपि मेशिन बरामद भएको छ । टोलीले भानोदय आधारभुत बिद्यालय बेचैपुरको कार्यालय कोठा तोडफोड गरी सो भित्र रहेको कम्युटर,प्रिन्टर लगायतका अन्दाजी मुल्य रु ३ लाख ५०हजार बराबरको सामान चोरी गरेको भनि बिद्यालयका प्रधानाध्यापक बासुदेव पौडेलले साउन ३ गते प्रहरीलाई जानकारी गराएको आधारमा प्रहरीले खोजतलास गरि चोरीमा संलग्नहरुलाई समान सहित पक्राउ गरेको हो ।