भदौ २४ गते गुलरियामा हुने बर्दिया कांग्रेसको जिल्ला सम्मेलनको तैयारी पुरा, देउवा, कोइराला , निधि, गच्छेदार सम्मेलन उद्घाटन कार्यक्रममा आउदै

पी सी एन /लुम्बिनी पत्रगुलरिया, भदौ २२ । पुर्वमन्त्री एंव नेपाली कांग्रेस बर्दियाका सभापति सञ्जयकुमार गौतमले यही भाद्र २४ गते गुलरियाको टाउन हलमा नेपाली काङ्ग्रेसका सभापति एवं पुर्व प्रधानमन्त्री शेर बहादुर देउवाले उद्घाटन गर्ने जिल्ला सम्मेलनको सम्पुर्ण तैयारी पुरा भएको बताउदै सम्मेलनको उद्घाटन समारोहमा सरिक हुन सम्पुर्ण बर्दियावासी दाजुभाइ दिदीबहीनीहरुलाइ आग्रह गरेका छन् । लोकतन्त्रको रक्षा, बर्दियाको दिगो समृद्धि र विकास र नेपाली कांग्रेसलाइ नयाँ उर्जादिन हुन लागको ऐतिहासिक जिल्ला सम्मेलनमा नेपाली कांग्रेसका धेरैजसो केन्द्रिय पदाधिकारी तथा सदस्यहरु उद्घाटन समारोहमा सरिक हुने भएकाले पनि  लोकतन्त्रवादी र बर्दियाका कांग्रेसजन गरि हजारौ जनताहरु जिल्ला सम्मेलनको उद्घाटन समारोहमा स्वस्र्फुत रुपमा सामेल हुनुपर्ने उनको भनाइ छ । नेपाल प्रेस युनियन बर्दियाले शाखाले आयोजना गरेको विशेष पत्रकार भेटघाट कार्यक्रमलाइ शुक्रवार गुलरियामा सम्बोधन गर्दै संघीय सांसद समेत रहेका गौतमले जिल्ला सम्मेलनको उद्घाटन कार्यक्रममा उपसभापति बिमलेन्द्र निधि,महामन्त्रीहरु संशाक कोइराला, पुर्ण बहादुर खड्का, संसदीय दलका उप नेता बिजयकुमार गच्छदार वरिष्ठ नेता कृष्णप्रसाद सिटौला लगायतको सहभागिता रहने  जानकारी दिए । गुलरियास्थित गुलरिया नगरपालिकाको टाउन हल मैदानमा हुन लागेको सम्मेलन भदौ २४गते उद्घाटन समारोह र भदौ २५गते बन्द सत्र गरि  २ दिनसम्म चल्ने तैयारी समितिका संयोजक विद्याप्रसाद खनालले जानकारी दिए । प्रेस युनियनका जिल्ला अध्यक्ष विनयराज भण्डारीको अध्यक्षतामा भएको कार्यक्रममा महासमिति सदस्य एंव तैयारी समितिका संयोजक विद्याप्रसाद खनाल, महासमिति सदस्यहरु मालती सोडारी, विजयदतm देवकोटा, उपसभापति मिश्रीलाल यादव, सचिव जंगबहादुर मल्ल, जिल्ला सदस्यहरु कमलप्रसाद रेग्मी,  सुधांशुप्रकाश शर्मा, सुवास पोखरेल क्षेत्रिय सभापति रामचन्द्र थापा, तरुण नेता मेकबहादुर गुरुंग लगायतको उपस्थिति थियो ।
x