४ किलो लसुन बरामद गरेको बिरोधमा गुलरिया बजार बन्द

पी सी एन२८वैशाख । माइृतीबाट कोसेली पाएको ४किलो ४सय ग्राम लसुन बरामद  गरि प्रहरीले भन्सार पठाएको विरोधमा स्थानीय व्यापारीले आज दिउसो सवा तीन बजेबाट भन्सार रोडस्थित गुलरियाबजार बन्द गरेका छन्। उनीहरुले जिल्ला प्रहरी कार्यालय अगाडि केही बेर चक्काजाम पनि गरे।

उनीहरुले प्रहरी प्रशासनले भारतीय सीमा क्षेत्रमा बस्ने नेपालीहरुलाई घरायशी प्रयोजनकासमान नेपालभित्रै ल्याउन लैजान रोक लगाने,बरामद गर्ने भन्दै सो को विरोधमा

प्रहरी विरुद्ध नाराबाजी पनि गरिएको छ ।

माईतीबाट पाएको कोसेली बोक्न नदिने प्रहरीको ज्यादती बिरोधमा हामीहरु पसल बन्द गरि संर्घषमा उत्रिएका हौः स्थानीय व्यवसायी अतिक अहमदले भन्नुभयो ।

सरकारले तेश्रो मुलुकबाट आयात गरिएका सुपारी ,लसुन लगायतका सामाग्री भारत तर्फ निकासी हुन प्रतिबन्ध लगाएकाले सीमा क्षेत्रमा लसुन तथा सुपारीमाथि विशेष निगरानी बढाईएको प्रहरीले जनाएको छ । भारत तर्फ निकासी हुन लागेका आंशकमा लसुन बरामद गरिएको प्रहरीले जनाएको छ ।