जिल्ला उद्यम विकास रणनैतिक योजना तर्जुमा गोष्ठी सम्पन्न

पी सी एन

बर्दिया,३१जेठ । जिल्ला विकास समिति बर्दियाको आयोजना र  लघु उद्यम विकास कार्यक्रमको सहयोगमा  जिल्ला उद्यम विकास रणनैतिक योजना तर्जुमा गोष्ठी सदरमुकाम गुलरियामा आईतबार सम्पन्न भएको छ ।

गोष्ठीमा एस ई डी सीका गोविन्द अधिकारीले प्रस्तुत गर्नुभएको प्रस्तुत गर्नुभएको प्रस्तावित योजनामाथि जिल्ला स्थित राजनैतिक दल,सरकारी निकाय र गैर सरकारी संघ संस्थाहरुले समुहगत रुपमा सुझावहरु प्रस्तुत गरेका छन् । प्रस्तावित योजनामा सामेल संभावना,अवसर र समस्याहरु,उद्यम विकासको परिकल्पना र पांच बर्षका लागि निर्धारण गरिएका लक्ष्य र उदेश्यहरुमाथि समुहगत छलफल गरि सुझाव दिईएको हो।

सो कार्यक्रम जिल्ला विकास समिति बर्दियाका योजना अनुगमन तथा प्रशासकीय अधिकृत सुन्दरप्रसाद श्रेष्ठको अध्यक्षतामा  सम्पन्न भएको हो ।

राजनैतिक दल,सम्वद्ध संघ संस्था र सरोकारवाला निकायहरुको सुझावका आधारमा एस ई डी सी को प्राविधिक सहयोगमा तैयार पारिएको जिल्ला उद्यम विकास रणनैतिक योजनालाई असार २ गते सार्वजनिक गरि आउदो बर्षको जिल्ला परिषद्बाट स्वीकृत गराई कार्यान्वयन गरिने जिल्ला विकास समिति बर्दियाका योजना अनुगमन तथा प्रशासकीय अधिकृत सुन्दरप्रसाद श्रेष्ठले बताउनु भयो ।