बाँसगढी नगरपालीकाको सहयोगमा जेष्ठ नागरिक सत्संग समाजले ५ जना जेष्ठ नागरिकलाई सम्मान गरयो

राबन बि क

पी सी एन ,१२ असार । बाँसगढी नगरपालीकाको सहयोगमा जेष्ठ नागरिक सत्संग समाज बाँसगढीले बर्दियाको बाँसगढीमा ५ जना जेष्ठ नागरिकलाई सम्मान गरेको छ ।

कार्यक्रममा बर्दियाका प्रमुख जिल्ला अधिकारी बिनोद बहादुर कुवरले जेष्ठ नागरिक ईन्द्रबिलास पौडेल, बर्सि क्षेत्रिनी, पल्टी थरुनी, बिरबहादुर थापामगर र लक्ष्मी सुनारलाई दोसल्ला ओढाई र एक जोडी कपडा दिएर सम्मान गर्नुभएको हो ।

प्रमुख जिल्ला अधिकारी कुवरले जेष्ठ नागरिकलाई सम्मान गर्दै बुवा आमालाई पालन पोषण गर्ने जिम्मा छोरा बुहारीको भएको कुरामा जोड दिदै कुनै पनि बाहानामा जेष्ठ नागरिकहरुलाई बृद्धा आश्रममा नपठाउन सबैमा आग्रह गर्नुभएको पी सी एनले जनाएको छ।

उहाले आगामी बर्ष  जिल्ला स्वास्थ्य कार्यालयसंग समन्वय गरि सो क्षेत्रका जेष्ठ नागरिकहरुको स्वास्थ्य परिक्षणको लागी स्वास्थ्य शिबिर सञ्चालन गर्ने प्रतिबद्धता समेत जनाउनु भयो ।

जेष्ठ नागरिक सत्संग समाज बाँसगढीका अध्यक्ष नन्दलाल पौडेलको सभापतित्वमा भएको कार्यक्रममा बाँसगढी नगरपालीकाका कार्यकारी अधिकृत गणेशबिक्रम शाही, जेष्ठ नागरिक सेवा समाज बर्दियाका जिल्ला अध्यक्ष बाबुराम पंगीनी, भगवती शर्मा लगायतले जेष्ठ नागरिकले पुरयाएको योगदानको चर्चा गर्नुभएको थियो।