परिवार नियोजन संघको अध्यक्षमा ३बर्षका लागि पुनः अमुसिह सिजापती निर्वाचित

पी सी एन,२०जेठ । २८ जिल्ला शाखा मार्फत  यौन तथा प्रजनन स्वास्थ्यका बिषयमा लाखौ नेपालीलाई सेवा प्रदान गर्दै आइरहेको नेपाल परिवार नियोजन संघको केन्द्रिय अध्यक्षमा ३बर्षका लागि पुनः अमुसिह सिजापती निर्वाचित भएकी छन् ।

संघको धनगढीमा सम्पन्न महाधिवेशनले अमुलाई अध्यक्षमा निर्वाचित गरेको हो । सोमबार भएको निर्वाचनमा अमुले ८७ मत प्राप्त गरेकी छन भने उनका अर्का प्रत्याशी हिमालीलाल कसजूले ७२ मत प्राप्त गरेका छन् ।

१६ केन्द्रिय सदस्यका लागि भएको निर्वाचनमा संघका पूर्व महासचिव मनोज उप्रेती सहित अमु समर्थक बिजयी भएका छन । सोमबार भएको निर्वाचनमा १५९ मत खसेको थियो । अमुले नेतृत्व सम्हालेपछि संघले गति लिएको थियो । संघलाई हालै अन्र्तराष्ट्रिय परिवार नियोजन महासंघ (आईपिपिएफ) ले आफ्ना १७० शाखामध्ये नेपाल परिवार नियोजन संघलाई उत्कृष्ट शाखा अवार्ड प्रदान गरेको थियो ।