बर्दिया जिल्लावासीहरुमा उच्च सजगता अपनाउन जिल्ला प्रशासन कार्यालय बर्दिया एवम जिल्ला दैवी प्रकोप उद्धार समितिको आग्रह

पी सी एन

बर्दिया,१०असार ।  जिल्ला प्रशासन कार्यालय बर्दिया एवम जिल्ला दैवी प्रकोप उद्धार समितिले आज बिहीबार दिउंसो एक सार्वजनिक सुचना जारि गरि भारी बर्षा हुन सक्ने भन्दै बर्दिया जिल्लावासीहरुमा उच्च सजगता  अपनाउन आग्रह गरेको छ ।

जिल्ला प्रशासन कार्यालय बर्दियाका प्रमुख जिल्ला अधिकारी एवम जिल्ला दैवी प्रकोप उद्धार समितिका  अध्यक्ष बिनोदबहादुर कुँवरले स्थानीय संचार माध्यमलाई सुचना सम्प्रेषित गरि असार १० गते बिहीबार र ११गते शुक्रबारका दिन भारी बर्षा हुन सक्ने सम्भाबना भएकोले सम्पुर्ण जिल्लाबासीहरुमा उच्च सजकता अपनाउन अनुरोध गर्नुभएको हो । उंहाले सो सम्बन्धि सुचना प्रचार प्रसार गरि सहयोग  गर्न सम्पुर्ण संचार माध्यमहरुलाई अनुरोध समेत गर्नुभएको छ ।

प्रमुख जिल्ला अधिकारी एंव जिल्ला दैवि प्रकोप उद्धार समितिका अध्यक्ष कुंवरले आकस्मिक स्थितिमा नजिकको प्रहरी इकाई वा संचार माध्यमहरुमा फोन गर्न आग्रह गर्नुभएको छ । प्रहरी वा संचारमाध्यमहरुमा मात्र नभई  आकस्मिक स्थितिमा प्रमुख जिल्ला अधिकारीको मोबाईल नम्बर ९८५८०३७७७७,प्रहरी उपरीक्षक को मोबाईल नम्बर ९८५८०३५५५५,नेपाल रेडक्रसको मोबाईल नम्बर   ९८४८०३२७४९,९८५८०३२७४९ र आपतकालिन कार्य संचालन केन्द्र गुलरियाको मोबाईल नम्बर  ९८५७८९०६९९ मा पनि फोन गर्न सर्वसाधरणहरुलाई अनुरोध गर्नुभएको छ ।