बर्दिया तराईकै पहिलो खुला दिसामुक्त जिल्ला घोषणा

पी सी एन,२९ जेठ । बर्दियालाई तराईकै पहिलो खुला दिसामुक्त जिल्ला घोषणा गरिएको छ । 

जिविस परिसरमा शुक्रबार आयोजित  एक भव्य कार्यक्रममा उपप्रधान एंव गृहमन्त्री बामदेव गौतम र जिल्ला खानेपानी सरसफाई तथा स्वच्छता समिति बर्दियाका अध्यक्ष एंव स्थानीय विकास अधिकारी डिल्लीराम सिग्देलले जिल्लालाई तराईकै पहिलो र नेपालको २४औ खुला दिशामुक्त जिल्ला घोषणा गर्नुभएको हो।

सरसरफाई गुरुयोजना २०६८को मर्म एंव सन् २०१५ भित्र बर्दिया जिल्लालाई खुला दिसामुक्त बनाउने जिल्लाको सरसफाई रणनैतिक कार्ययोजना अनुसार जिल्लालाई तराईकै पहिलो र खुला दिसामुक्त जिल्ला घोषणा गरिएको जिल्ला खानेपानी सरसफाई तथा स्वच्छता समिति बर्दियाका अध्यक्ष एंव स्थानीय विकास अधिकारी  सिग्देलले बताउनु भयो । सम्पुर्ण सरोकारवालाको निरन्तर समन्वय,सहकार्य र सहयोगका कारण जिल्लालाई तराईकै पहिलो खुला दिसामुक्त जिल्ला घोषणा गर्न सफल भएको उंहाको भनाई छ ।

जिल्लामा शत प्रतिशत घरधुरीमा आधारभुत सरसफाई  सुविधाको पंहुच संभव भएपछि क्षेत्रिय खानेपानी सरसफाई तथा स्वच्छता समितिले जिल्लालाई खुला दिसामुक्त जिल्ला घोषणा गर्न अनुमति प्रदान गरेको थियो ।

उपप्रधान एंव गृहमन्त्र िबामदेव गौतमले खुला दिसामुक्त जिल्ला घोषणा गरेर तराईको पहिलो जिल्ला बनेको बर्दियाले सामाजिक ,आर्थिक  र पुर्वाधर विकासमा समेत अग्रणी भुमिका खेल्नुपर्ने बताउनु भयो। उंहाले खुला दिशामुक्त भएको बर्दिया जिल्ला मदिरा,जुवातास,महिला हिंसा समेतबाट मुक्त भई देशको पहिलो जिल्ला हुन शुभकामना दिनुभयो ।

घोषणा कार्यक्रममा सभासद,जिल्लास्थित राजनैतिक दलका प्रमुख तथा प्रतिनिधी,सरकारी गैर सरकारी निकाय,सर्वसधारण महिला ,बृद्धबृद्धा ,युवा बिद्यार्थी समेतको सहभागिता थियो ।

नेपाल पत्रकार महासंघका अध्यक्ष मिनराज शर्मा,प्रेस क्लब अफ नेपालका अध्यक्ष यम घिमिरे,प्रेस युनियनका अध्यक्ष बिनयराज भण्डारी,प्रेस चौतारीका अध्यक्ष मानबहादुर चौधरी र क्रान्तिकारी पत्रकार संघका अध्यक्ष भीम ठकुरीले खुला दिशामुक्त जिल्ला घोषणा गरेकोमा जिल्ला खानेपानी सरसफाई तथा स्वच्छता समिति बर्दिया र सम्पुर्ण जिल्लावासीहरुमा बधाई एंव शुभकामना दिनुभएको छ । कार्यक्रममा बिभिन्न सांस्कृतिक नांचहरु समेत प्रस्तुत गरिएका थिए।